మేము అందుకు లొంగిపోయాం.

Posted: 04/23/2013 11:42 AM IST

చింతపల్లి మండలానికి చెందిన 25 మంది మిలీషియా సభ్యులు ఎస్పీ జి.శ్రీనివాస్ సమక్షంలో లొంగిపోయారు. జిల్లా పోలీసులు నిర్వహించిన సద్భావన యాత్ర కార్యక్రమంలో పోలీసుల ఇచ్చిన హామీలు వారిని ప్రభావితం చేసి జనస్రవంతిలో కలిసేలా చేశాయి. నగరంలోని ఎస్పీ కార్యాలయంలో నిర్వహించిన విలేకరుల సమావేశంలో డీఐజీ స్వాతిలక్రా వివరాలు వెల్లడించారు. కోరుకొండకు చెందిన శాండి కమిటీ దళ సభ్యడు రీమాల లక్ష్మణరావు(40), బలరేవుల గ్రామాని చెందిన మిలీషియా డిప్యూటీ కమాండర్ వంతల చంటి(25), చింతపల్లి మండలం బలపాం గ్రామానికి చెందిన మిలీషియా సభ్యులు పోలీసులకు లొంగిపోయారు. మూడేళ్లుగా మిలిషియా సభ్యులుగా పని చేస్తున్న వీరు వారు గతంలో చింతపల్లి మండలం, వంగసార కాఫీబోర్డు పేల్చివేత, ఘాట్‌లో కూంబింగ్ నిర్వహిస్తున్న పోలీసులను హతమార్చడానికి ప్రయత్నించారని డీఐజీ చెప్పారు. చెట్లను నరికి దారికి అడ్డంగా వేయడం, పాడేరు ఆర్డీవో విధులను ఆటంక పర్చడం వంటి నేరాలకు పాల్పడ్డారని ఆమె తెలియపారు. లొంగిపోయిన వారికి రూ.5 వేలు సహాయం అందిస్తున్నామని ఆమె ప్రకటించారు. ఎస్పీ జి.శ్రీనివాస్ మాట్లాడుతూ ఈనెల కోరుకొండలో నిర్వహించిన సద్భావనయాత్రలో మిలీషియా సభ్యులు స్వచ్ఛందంగా లొంగిపోయారని తెలిపారు. పోలీసులు పెడుతున్న కేసులకు భయపడి లొంగిపోయామని మిలీషియా సభ్యులు తెలిపారు. కాఫీ తోటలు ఇతర కేసుల్లో ఉన్నందున తమ కుటుంబాలతో జీవించలేకపోయే వాళ్లమని చెప్పారు. పోలీసుల పహార వల్ల పిల్లలకు అనారోగ్యం చేసిన సైరెన వైద్యం అందించలేక పోయేవాళ్లమని ఆవేదన చెందారు.