Posted: 03/09/2013 09:13 PM IST

విశాఖ జిల్లా తెలుగుదేశం పార్టీలో సంక్షోభం ముగిసిందని రాజ్యసభ సభ్యుడు సుజనా చౌదరి ప్రకటించారు.పెందుర్తి నియోజకవర్గ టిడిపి నాయకుడు పీలా శ్రీనివాస్ ను సస్పెండ్ చేయడంపై మాజీ మంత్రి, పాలిట్ బ్యూరో సభ్యుడు అయ్యన్నపాత్రుడు తీవ్రంగా స్పందించి పాలిట్ బ్యూరో సభ్యత్వానికి రాజీనామా చేస్తున్నట్లు ప్రకటించారు.మరో మాజీ మంత్రి బండారు సత్యనారాయణమూర్తిపై పీలావర్గం దాడి చేసినందుకుగాను పీలాను సస్పెండ్ చేశారు. అయితే ఇరువర్గాల మధ్య రాజీ కుదిర్చి పీలాపై సస్పెన్షన్ ఎత్తివేసినట్లు చౌదరి ప్రకటించారు.కాగా మీడియా సమక్షంలో పీలాతో చేతులు కలపడానికి బండారు సత్యనారాయణమూర్తి విముఖత చూపడం విశేషం.