Posted: 12/18/2012 02:32 PM IST

       తెనాలి కల్చరల్ ఫిల్మ్ సొసైటీ ఆధ్వర్యంలో రెండో అంత ర్జాతీయ చలన చిత్రోత్సవాలు 19 నుంచి తెనాలిలో నిర్వహిస్తున్నారు. నిన్న ఉత్సవాలకు సంబంధించిన స్క్రీనింగ్ షెడ్యూల్‌ను ఆవిష్కరించారు. బోస్‌రోడ్డులోని వేద డీలక్స్‌ లో నాలుగు రోజుల పాటు ప్రపంచంలోని పలు భాషలకు సంబంధించిన చిత్రాలను ప్రదర్శిస్తారు.
       19వ తేదీ తొలి రోజు సాయంత్రం నుండి జరిగే ప్రారంభోత్సవ కార్యక్రమానికి శాసన సభ స్పీకర్ నాదెండ్ల మనోహర్, ముఖ్య అతిధిగా సుప్రింకోర్టు న్యాయమూర్తి జాస్తి చలమేశ్వర్, ఆత్మీయ అతిధిగా ప్రముఖ నిర్మాత డాక్టర్ డి.రామానాయుడు హాజరుకానున్నారు.
      నాలుగు రోజుల పాటు జరిగే ఉత్సవాల్లో సినీ ప్రముఖులు ఏవీ ఎస్, రేలంగి నరసింహారావు, చిన్నికృష్ణ, సునీల్‌కుమార్ రెడ్డి, హవీష్, రామ్‌జగన్, కొండవలస లక్ష్మణరావు తదితరులు పాల్గొంటారు. అవార్డులు అందుకుంటున్న సినీ ప్రముఖుల వివరాలు..
      ప్రముఖ నిర్మాత డాక్టర్ డి. రామానాయుడు (ఎన్టీఆర్ అవార్డ్), జయప్రకాష్‌రెడ్డి(ఎస్వీఆర్ అవార్డు), తెలంగాణా శకుంతల (సావిత్రి అవార్డు), గుండు హనుమంతరావు(అల్లురామలింగయ్య అవార్డు), జె.కె భారవి (బొల్లిముంత అవార్డు), అనంత్‌శ్రీరామ్ (వేటూరిఅవార్డు), లెనిన్(వి.మ ధుసూధనరావు అవార్డు)లను అతిధుల చేతుల మీదుగా అందుకోనున్నారు.
         ప్రదర్శించనున్న చలన చిత్రాల వివరాలు..19వ తేదీ తొలి రోజున ఉదయం 9 గంటలకు 2022 సునామి(థాయ్‌లాండ్), 11 గంట లకు ది సీక్రెట్ ఇన్ దేర్ ఐస్(అర్జెంటీనా), మధ్యాహ్నం 2 గంటలకు ది రెడ్‌స్పాట్(జర్మనీ), రాత్రి 7.30 గంటలకు ఎ సెపరేషన్ (ఇరానీ), 20న ద సోర్సీ రర్ అండ్ ది వైట్ (హాంకాంగ్- చైనా), నైట్ రెయిన్ (ఇండియా - మళయాళం), మిస్టర్ బోన్స్(సౌత్ ఆఫ్రికా), ది వైస్టిల్ బ్లోవర్ (కెనడా), అప్పర్ డాగ్ (నార్వేజ్), 21న ధర్డ్ పర్సన్ సింగ్యులర్ నంబర్ (బం గ్లాదేశ్), విముక్తి (ఇండియా - కెనడా), ది కలర్ ఆఫ్ ప్యారడైజ్ (ఇరాన్), తమిళ చిత్రం, ది ఫ్రంట్ లైన్ (సౌత్ కొరియా), 22న ది ఫస్ట్ రెయిన్స్ ఆఫ్ స్ప్రింగ్ (కజకిస్తాన్ - జపా న్), కగ్‌బెని (నేపాల్), రాప్సోడీ ఇన్ ఆగస్ట్ (జపాన్), గంగపుత్రులు (తెలుగు) చిత్రాలను ప్రదర్శిస్తారు.

...avnk