వీరిలో సమైక్య హీరో ఎవరు ?

Posted: 12/18/2013 08:37 PM IST

పార్టీలను బలోపేతం చేసుకోవడంలో తలమునకలుకావాల్సిన పార్టీలు విభజన, సమైక్య పోరులో మునిగి పోయాయి..ప్రజలను ఎన్నికల మూడ్‌లోకి తేవాల్సి ఉన్నప్పటికీ ఆ విధంగా చేసే పరిస్థితి కనిపించడంలేదు.. ఫలితంగా ప్రధాన రాజకీయ పార్టీలు మల్ల గుల్లాలు పడుతున్నాయి.. ప్రజలను ప్రసన్నంచేసుకునేందుకు నియోజక వర్గాల్లో విస్తృతంగా పర్యటించాల్సిఉండగా సమైక్యాంధ్ర ఉద్యమం వైపే పరుగులుతీయాల్సి వస్తోంది.. అయినా విభజన ఆగే సూచనలు కనిపించడంలేదు.. సమైక్యాంధ్రకు హీరో ముఖ్యమంత్రేనని సీమాంధ్ర కాంగ్రెస్‌ నేతలుంటుండగా, కాదు ముమ్మాటికీ జగనేనని ఆ పార్టీవారంటున్నారు.. ఇక టిడిపి సమన్యాయం సిద్దాంతో ముందుకెళుతున్నందు చం ద్రబాబే హీరో అంటున్నారు. ఈ ముగ్గురిలో సమైక్యంద్ర హీరో ఎవరు అనేది ప్రజలే త్వరలో తేల్చుతారు.

 

ఓటర్ల నమోదు గడువు పొడిగింపు

ఓటర్ల నమోదు గడువును ఈ నెల 23వ తేదీ వరకు పొడిగించారు. ఈ నెల 17వ తేదీ వరకే ఓటర్ల నమోదు గడువు ఉండడంతో మంగళవారం నాడు నగరపాలకసంస్థ ప్రధాన కార్యాలయంతో పాటు ఓటర్ల నమోదు కేంద్రాలు అన్ని కిటకిట లాడాయి. ఓటు నమోదు చేసుకోవాల్సిన యువతీ యువకుల సంఖ్య భారీగా ఉండడంతో ఎలక్ట్రోరల్‌ రిజిస్ట్రేషన్‌ అధికారి (ఈఆర్‌ఓ) అయిన నగరపాలకసంస్థ కమిషనర్‌ హరికిరణ్‌ ఓటర్ల నమోదు గడువును ఈ నెల 23వ తేదీ వరకు పొడిగించామని తెలిపారు.

 

23వ తేదీ వరకు అన్ని ఓటర్‌ నమోదు కేంద్రాల్లో దరఖాస్తు ఫారాలు లభ్యమవుతాయని, అదే మాదిరిగా అన్ని కళాశాలలు, హైస్కూళ్లలో కూడా ఓటర్‌ నమోదు దరఖాస్తు ఫారాలను అందుబాటులో ఉంచామని హరికిరణ్‌ తెలిపారు. ఆదివారం సెలవు దినం అయినందున ఆ రోజున అన్ని ఓటర్‌ నమోదు కేంద్రాల్లో బోర్ట్‌ లెవల్‌ అధికారులు (బిఎల్‌ఓ) అందుబాటులో ఉంటారని కమిషనర్‌ తెలిపారు. ఓటర్‌గా నమోదు చేయించు కోదలచిన యువతీ యువకులు ఈ అవకాశాన్ని వినియోగంచు కోవాలని హరికిరణ్‌ తెలిపారు.