మామిడికాయలో వున్న విశేషాల గురించి ప్రత్యేకంగా చెప్పుకోవాల్సిన అవసరం లేదు. ఎందుకంటే.. పిల్లల నుంచి పెద్దలవరకు దీని గురించి మొత్తం తెలుసు. పిల్లలు వేసవికాలంలో వచ్చే సెలవులకంటే.. మామిడికాయల కోసమే ఎక్కువగా ఎదురుచూస్తుంటారు. ఇది కేవలం వేసవికాలంలలోనే లభ్యమవుతుంది కాబట్టి.. ప్రతిఒక్కరు దీనికోసం ఎప్పుడెప్పుడా అని ఎదురుచూస్తుంటారు. మామిడికాయ సమ్మర్ కు పెట్టిన మరొక పేరుగా కూడా చెప్పుకోవచ్చు. వేసవికాలం కంటే మామిడికాయల కాలంగానే ప్రతిఒక్కరు పిలుచుకుంటారు. అంతటి విశిష్టమైంది ఈ మామిడికాయ.
లేలేత మామిడికాయల వగరు, పులుపు ప్రతిఒక్కరిని నోరూరిస్తాయి. పచ్చి మామిడికాయ నుంచి పండు మామిడికాయల వరకు రకరకాల వంటకాలను, పచ్చళ్లను, రసాలను తయారుచేసుకుంటారు. ఇందులో పచ్చిమామిడికాయలతో చేసి పచ్చళ్లు ఎంతో అమోఘం. లేత మామిడితొక్కు, చిన్నచిన్న ముక్కల పచ్చడి, కొబ్బరితో కలిపి పచ్చడి, మామిడి కాయ పప్పు, మామిడి కాయ చారు వంటి రకరకాల వంటకాలను మామిడికాయ పెట్టింది పేరు. అటువంటి మామిడికాయతో తయారుచేసే పచ్చిమామిడికాయ పచ్చడికి కావలసి పదార్థాలను, విధానాన్ని ఒకసారి తెలుసుకుందాం...
కావలసిన పదార్థాలు :
పచ్చి మామిడికాయలు : 3
ఎండు మిరపకాయలు : 15 - 18
పచ్చి మిరపకాయలు : 5-8
మినపప్పు : 1 టేబుల్ స్పూన్
మెంతులు : 1 టేబుల్ స్పూన్
ఆవాలు : 1/2 టేబుల్ స్పూన్
ఇంగువ : 1 టేబుల్ స్పూన్
ఉప్పు : 2 టేబుల్ స్పూన్స్
నూనె : 2 టేబుల్ స్పూన్స్
పసుపు : చిటికెడు
తయారుచేసే విధానం :
1. పచ్చి మామిడికాయలను ముందుగా నీటిలో బాగా కడిగి.. పెచ్చును తీసేయాలి. చిన్న ముక్కలుగా తరిగి పక్కన పెట్టుకోవాలి.
2. ఒక పెనుమును తీసుకుని అందులో కొద్దిగా నూనె వేసి వేడి చేసుకోవాలి. కాసేపు తరువాత అందులో మినపప్పు, ఆవాలు, మెంతులు, ఇంగువ, పసుపు, ఎండు మిరపకాయలు మిగిలిన పదార్థాలు వేసి, బాగా పండేంతవరకు వేయించాలి.
3. పైన వేడిచేసుకున్న పోపు మిశ్రమాన్ని కొద్దిసేపు వరకు ఉంచి చల్లార్చుకోవాలి.
4. పోపు చల్లారిన తరువాత అందులో నుంచి కొంత పోవును పక్కన తీసిపెట్టుకోవాలి. మిగిలిన పోపు మొత్తాన్ని గ్రైండర్ లో వేసి మెత్తగా రుబ్బాలి. అందులోనే పచ్చి మిరపకాయలు, ఉప్పు, పచ్చి మామిడికాయ ముక్కలు కూడా వేసి బాగా మెత్తగా రుబ్బుకోవాలి. దీంతో మామిడికాయ పచ్చడి తయారయిపోయినట్లే.
5. ఆ విధంగా తయారుచేసిన పచ్చడిలో ఇంతకు ముందు పక్కన తీసిపెట్టుకున్న పోపుని కలపాలి. పోపును కలిపిన తరువాత నోరూరించే రుచికరమైన మామిడికాయ పచ్చడిని సర్వ్ చేసుకోవచ్చు.
(And get your daily news straight to your inbox)
Nov 05 | మాంసాహారప్రియులు ఎంతో ఇష్టంగా తీసుకునే చికెన్ తో ఎన్నోరకాల వంటకాలు చేసుకోవచ్చు. ముఖ్యంగా వీకెండ్ సమయాల్లో డిఫరెంట్ ఫుడ్స్ తీసుకోవడానికి ప్రతిఒక్కరు ఇష్టపడతారు. ఇక చికెన్ తో తయారుచేసే వివిధ వంటకాల్లో చికెన్ గారెలు... Read more
Oct 08 | వీకెండ్ వచ్చిందంటే చాలు.. ప్రతిఒక్కరు రుచికరమైన వెరైటీ వంటకాల్ని తీసుకోవడానికే ఇష్టపడతారు. అలాంటి ప్రత్యేకమైన వంటకాల్లో చికెన్ లాలీపాప్స్ ఒకటి. ఎంతో రుచికరంగా వుండే ఈ రిసిపీని తీసుకోవడానికి చిన్నపిల్లల నుంచి పెద్దలవరకు ఎంతో... Read more
Sep 18 | వీకెండ్ వచ్చిందంటే చాలు.. ప్రతిఒక్కరు ఎంతో ఉల్లాసంగా, ఉత్సాహంగా వుంటారు. ఆ ఉత్సాహాన్ని మరింత రెట్టింపు చేయాలంటే ఆ వీకెండ్ లో ఏదైనా స్పెషల్ రెసిపీ వుండాల్సిందే! అప్పుడు దాని మజాయే వేరుగా వుంటుంది.... Read more
Sep 08 | బియ్యపు పిండితో తయారయ్యే వేడివేడి వడలు కేరళలో ఎంతో స్పెషల్ రెసిపీ. ఇవి కూడా సాధారణ గారెలలాగే వుంటాయి కానీ.. మరింత క్రిస్పీగా, టేస్టీగా వుంటాయి. ఈ వడలతో ఆరోగ్య ప్రయోజనం కూడా వుంది.... Read more
Aug 27 | మాంసాహారులు ఎంతో ఇష్టంగా తినే చికెన్ తో రకరకాల వంటకాలు తయారుచేసుకోవచ్చు. చికెన్ పకోడీలు, బిర్యానీ, ఇంకా నోరూరించే స్పెషల్ వంటకాలు ఎన్నో వున్నాయి. పైగా.. ఈ చికెన్ తింటే ఆరోగ్యానికి ఎంతో మేలు.... Read more