ఎప్పటికీ గుర్తsÁడిపోయే రోధన రాత్రి.. తొలి పరాజయం: విరాట్ కోహ్లీ

Posted: 04/22/2020 08:39 PM IST

కరోనా వైరస్ మహమ్మారి వల్ల ఏర్పడిన సంక్షోభంతో మనుషుల్లో కాసింత మార్పు వచ్చిందని.. కరోనా సృష్టిస్తున్న దారుణ మరణాలతో మృతుల కుటుంబాలలో నెలకొన్న బాధలు, వారు పడుతున్న కష్టాలపై సమాజాం జాలీ, దయ, కరుణ కురిపిస్తున్నాయని టీమీండియా కెప్టెన్‌ విరాట్‌ కోహ్లీ అన్నాడు. ‘అన్‌అకాడమీ’ నిర్వహించిన ఆన్‌లైన్‌ తరగతిలో కోహ్లీ, అతడి సతీమణి అనుష్క శర్మ మాట్లాడారు. ‘‘కరోనా సంక్షోభంతో సమాజంలో ఏ మూలనో దాక్కుని వున్న జాలి, దయ, కరుణ, స్పందించే హృదయాలు మళ్లీ తమ తమ స్థానాలను అక్రమించుకున్నాయని అన్నారు. మహమ్మారిపై చేస్తున్న యుద్ధంలో ముందుండి పోరాడుతున్న పోలీసులు, డాక్టర్లు, నర్సులకు కృతజ్ఞత భావాన్ని చూపిస్తున్నాం. సంక్షోభం నుంచి బయటపడిన తర్వాత కూడా దీన్ని ఇలానే కొనసాగిస్తామని ఆశిస్తున్నా’’ అని కోహ్లీ పేర్కొన్నాడు.

‘‘కరోనాతో మనం ఓ పాఠాన్ని నేర్చుకుంటున్నాం. కారణం లేకుండా ఏదీ జరగదు. ప్రస్తుతం పారిశుద్ధ కార్మికులు లేకపోతే మన పరిస్థితి ఎలా ఉంటుందో ఊహించండి. ఇతరుల కంటే మనం ప్రత్యేకం కాదని తెలుసుకోవాలి. ఆరోగ్యమే మహాభాగ్యం. మనమంతా సమాజమనే భావనతో ఏకమవుతున్నాం’’ అని అనుష్క శర్మ తెలిపారు. జీవితంలో నిస్సహాయంగా భావించిన క్షణం గురించి కోహ్లీని సెషనలో అడగ్గా.. ‘‘రాష్ట్ర జట్టుకు ఎంపికకాని సమయంలో నాకు ఏది అనుకూలంగా జరగట్లేదని భావించా. ఆ రోజు రాత్రంతా ఏడ్చాను. ఎందుకు ఎంపిక కాలేదని మా కోచ్‌ను ప్రశ్నించాను’’ అని కోహ్లీ వెల్లడించాడు. ప్రజల్లో కరోనాపై అవగాహన పెంచేందుకు విరుష్క సామాజిక మాధ్యమాల్లో కృషి చేస్తున్న సంగతి తెలిసిందే.