చండీమల్ పై వేటు.. మూడో టెస్టుకు దూరం..

Posted: 06/20/2018 02:49 PM IST

బ్యాల్ ట్యాపరింగ్ విషయంతో తనకు ఎలాంటి సంబంధం లేదని.. తాను చేయని నేరానికి తనను బలి చేస్తున్నారని చెబుతూ వచ్చిన శ్రీలంక కెప్టెన్ దినేశ్ చండీమల్ ఎట్టకేలకు నేరాన్ని అంగీకరించడంతో.. అతనిపై ఐసీసీ వేటు వేసింది. విండీస్‌తో జరిగిన రెండో టెస్టులో బాల్ ట్యాంపరింగ్ కు పాల్పడినట్టు తేలడంతో మూడో టెస్టులో ఆడకుండా నిషేధం విధించింది. దీంతోపాటు మ్యాచ్‌ ఫీజులో వందశాతం జరిమానా విధించింది.

బాల్ ను మెరిసేలా చేసి బ్యాట్స్ మెన్లు దృష్టి మల్లించేందుకు కృత్రిమ పదార్థాన్ని ఉపయోగించినట్టు ఐసీసీ విచారణలో తేలింది. అయితే తొలుత బుకాయించిన చండీమల్.. తాను ఏదో పదార్థాన్ని తిన్ని తరువాత ఆ లాలాజం దానిపై రాసిన విషయం నిజమని అంగీకరిస్తూనే.. తాను తిన్న పదార్థమేంటన్నది ఖచ్చితంగా చెప్పేలేదు. ఇక ఈ వీడియో ఫుటేజీ పరిశీలించిన అనంతరం అతడిపై వేటు వేస్తున్నట్లు మ్యాచ్ రిఫరీ జవగళ్ శ్రీనాథ్ పేర్కొన్నాడు.

బంతిపై కృత్రిమ పదార్థాన్ని రాసినట్టు రివ్యూలో స్పష్టంగా కనిపించిందని దీంతోనే అతనిపై చర్యలు తీసుకున్నామని చెప్పిన శ్రీనాథ్.. అతన్ని రానున్న రెండు టెస్టు మ్యాచులలో అడకుండా ఐసీసీ నిబంధనావళిని అనుసరించి ఆ మేరకు తాము చర్యలు తీసుకుని.. అతనిపై రెండు మ్యాచులు బ్యాన్ విధించామని చెప్పారు. అతని మ్యాచ్ ఫీజులో వందశాతం కోత విధించామని కూడా చెప్పారు. లాలాజలం ద్వారా పదార్థాన్ని కూడా బంతికి రాసి మెరిపించే ప్రయత్నం చేసినట్టు గుర్తించామన్నారు.  ఈ విషయంలో మ్యాచ్ అధికారులకు పూర్తి మద్దతు ఇస్తున్నట్టు ఐసీసీ తెలిపింది.