అల్ రౌండ్ ప్రదర్శన కనబర్చిన అర్జున్

Posted: 01/13/2018 11:10 AM IST

Arjun tendulkar impresses australian media with 27 ball 48 four wickets

గ్లోబల్ టీ20 లీగ్ లో అల్ రౌండ్ ప్రదర్శన కనబర్చిన మాస్టర్‌ బ్లాస్టర్‌ సచిన్‌ తెందల్కర్‌ తనయుడు అర్జున్‌ తెందుల్కర్‌ ను ఆసీస్‌ మీడియా అకాశానికి ఎత్తేసింది. ప్రస్తుతం అర్జున్ ఆస్ట్రేలియాలోని సిడ్నీ క్రికెట్ మైదానం ఆధ్వర్యంలో జరుగుతోన్న గ్లోబల్‌ టీ20 లీగ్‌లో ఆడుతున్నాడు. లీగ్‌లో భాగంగా బ్రాడ్ మన్ ఓవల్ గ్రౌండ్ లో జరిగిన మ్యాచులో అర్జున్ 4 ఓవర్లలో నాలుగు వికెట్లు తీయడంతోపాటు 27 బంతుల్లో 48 పరుగులు చేసి ఆకట్టుకున్నాడు.

దీంతో ఆస్ట్రేలియా మీడియా అర్జున్ ఆటతీరును మెచ్చుకుంది. తాజాగా అర్జున్ ఓ మీడియాకు ఇంటర్వ్యూ కూడా ఇచ్చాడు. దిగ్గజ ఆటగాడు బ్రాడ్‌మన్‌ పేరిట ఉన్న ఓవల్‌ మైదానంలో ఆడటం చాలా ఆనందంగా ఉంది. నమ్మలేకపోతున్నానని అన్నాడు. చిన్నప్పటి నుంచి తనకు ఫాస్ట్‌ బౌలింగ్‌ అంటే ఇష్టం. మిచెల్‌ స్టార్క్, బెన్‌ స్టోక్స్‌ అభిమాన ఆటగాళ్లుని చెప్పుకోచ్చాడు. మరింత దృఢంగా వీలైనంత త్వరగా గొప్ప ఫాస్ట్‌ బౌలర్‌గా ఎదగాలన్న తపన తనలో వుందన్నాడు.

‘భయం లేకుండా నా ఆట నేను అడాలని, నా జట్టు కోసం అడాలని, జట్టుకు ఎంత సాయం చేయగలవో అంతవరకు చేయ్యాలని తన తండ్రి సచిన్ తనతో ఎప్పుడూ చెబుతుంటారని దీనివల్ల తాను ఎలాంటి ఒత్తిడికి గురవ్వకుండా అడుతానని చెప్పాడు. బౌలింగ్‌ చేస్తున్నంత సేపు.. బ్యాట్స్‌మెన్‌ పరుగులు సాధించకుండా బంతులేయాలి అని, బ్యాటింగ్‌ చేస్తున్న సమయంలో వీలైనన్ని ఎక్కువ పరుగులు చేయాలనే లక్ష్యాలను నిర్ధేశించుకుంటానని చెప్పాడు.