లంక టూర్లో విషాదం.. యువ క్రికెటర్ దుర్మరణం..

Posted: 09/07/2017 03:55 PM IST

భారత భావి క్రికెటర్ గా మన్ననలు అందుకోవాల్సిన ఓ యువ క్రికెటర్.. శ్రీలంక పర్యటనకు వెళ్లి అసువులు బాసిన ఘటన విషాదాన్ని నింపింది. భారత అండర్ 17 జట్టుకు ప్రాతినిధ్యం వహిస్తున్న ఓ టీనేజ్ క్రికెటర్.. శ్రీలంక పర్యటనలో భాగంగా అక్కడకు వెళ్లి.. ఈత రాకపోయానా.. ఈతకొలను దిగడంతో ప్రాణాలు కోల్పోయాడు. గుజరాత్ రాష్ట్రంలోని సూరత్ పట్టణానికి చెందిన మోనత్ సోనా నరేంద్ర (12) ఏళ్ల ఆటగాడు ప్రస్తుతం శ్రీలంకలో జరుగుతున్న ఓ టోర్నమెంటు కోసం ఆడేందుకు వచ్చాడు. ఆతడితో మరో 19 మంది అండర్ 17 బృందం శ్రీలంకలో ఉన్నారు.
 
కాగా మంగళవారం వీరు బస చేసిన పామునుగామాలోని ఓ హోటల్లో మొత్తం నలుగురు ఆటగాళ్లు ఈతకొలనులోకి దిగారు. బాధిత టీనేజ్ క్రికెటర్ నీటిలో మునిగిపోవడంతో తోటి క్రికెటర్లు అతడిని బయటికి తీసుకొచ్చి హుటాహుటిన ఆస్పత్రికి తరలించారు. అయితే అతడు అప్పటికే మృతి చెందినట్టు వైద్యులు చెప్పారు. ఈత రాకుండానే స్విమ్మింగ్ పూల్ లోకి దిగడం వల్లే ప్రమాదం సంభవించిందని  చెబుతున్నప్పటికీ.. ఇంకా స్పష్టమైన కారణాలు వెల్లడికాలేదు. శ్రీలంక పోలీసులు ఇప్పటికే ఈ ఘటనపై విచారణ చేపట్టారు. నరేంద్ర బౌతికఖాయాన్ని పోస్టుమార్టం కోసం రాగమ టీచింగ్ హాస్పిటల్ కి తరలించారు.