ఫుట్ బాల్ మ్యాచ్ అడుతూ టీమిండియా రిలాక్స్

Posted: 07/27/2016 08:51 PM IST

వెస్టిండీస్ను వారి సొంతగడ్డపై తొలి టెస్టులో ఇన్నింగ్స్ 92 పరుగుల భారీ తేడాతో ఓడించిన టీమిండియా ప్రస్తుతం ఫుట్ బాల్ మ్యాచ్ ను తీవ్రంగా అడుతోంది. రెండో టెస్టుకు ఇది ప్రాక్టీసు కాబోలు అనుకుంటే అది పోరబాటే. ఎందుకంటే వారు అడుతున్నది గ్రౌండ్ లో కాదు. వీడియో గేమ్ కాబట్టి, కేవలం నాలుగు రోజుల్లోనే విండీస్ భరతం పట్టిన టీమిండియా ఆటగాళ్లు చాలా సీరియస్గా వీడియో గేమ్ ఆడుతున్నారు. మీరు చూస్తున్నది నిజమేనండీ. ఈ ఫొటోలో భారత క్రికెటర్లు ఏకాగ్రతతో ఆటలో నిమగ్నమయ్యారు.

చతేశ్వర్ పుజారా, శార్దూల్ ఠాకూర్, భువనేశ్వర్ కుమార్.. టీమిండియా టెస్ట్ కెప్టెన్ విరాట్ కోహ్లీతో కలిసి వీడియో గేమ్స్ ఆడారు. శిఖర్ ధావన్ ఈ విషయంపై సరదాగా ట్వీట్ చేశాడు. రెండు జట్లుగా విడిపోయి వీళ్లు ఫుట్ బాల్ వీడియో గేమ్ ఆడారు. చాలా కాంపిటీషన్ ఎదుర్కొటున్నట్లు సీరియస్ గా గేమ్ ఆడుతున్నారంటూ ధావన్ ట్వీట్ చేశాడు. మరో ట్వీట్ లో రవీంద్ర జడేజాతో కలిసి దిగిన ఫొటోను పోస్ట్ చేశాడు. ఇక్కడ చాలా పచ్చగా ఉందని, ప్రశాంత వాతావరణం, స్వచ్ఛమైన గాలి పీల్చుకోవచ్చు అని తన పోస్ట్ లో ధావన్ రాసుకొచ్చాడు.