సన్ రైజర్స్ ఘన విజయం

Posted: 04/06/2013 11:23 AM IST

గత ఐదు సీజన్లలో నిరాశ పరిచిన హైదరాబాద్ ఐపీఎల్ జట్టు ఈసారి యాజమాన్యంతో పాటు, పేరు మార్చుకొని బరిలోకి దిగిన విషయం తెలిసిందే. అయితే పేరు మారడంతో ఈ జట్టు గీత కూడా కాస్తంత మారినట్లే అనిపిస్తుంది. ఆరో సీజన్ లో నిన్న రాత్రి పూణే వారియర్స్ తో జరిగిన తొలి మ్యాచ్ లో విజయం సాధించింది. గతంలో ఈ జట్టు భారీ స్కోరు చేసినా ఓటములను చవిచూసింది. కానీ నిన్నటి మ్యాచ్ లో చేసింది తక్కువ స్కోరు అయినా బౌలింగ్ లో రాణించింది. పూణే వారియర్స్‌ ఇండియా జట్టుపై 22 పరుగుల తేడాతో నెగ్గింది. మొదట బ్యాటింగ్‌ చేసిన సన్‌రైజర్స్‌ జట్టును పూణే వారియర్స్‌ 126 పరుగులకే కట్టడి చేయగలిగింది. 127 పరుగుల స్వల్ప లక్ష్యంతో బరిలోకి దిగినప్పటికీ బ్యాటింగ్‌లో ప్రతిభ చూపకపోవడంతో పూణే జట్టు 18.5 ఓవర్లకు 104 పరుగులు చేసి ఆలౌట్‌ అయి ఓటమిపాలైంది. మిశ్రా (3/19), స్టెయిన్ (3/11), పెరీరా (2/29) బౌలింగ్ ముందు వారియర్స్ తలవంచింది. మొదట బ్యాటింగ్ చేసిన హైదరాబాద్ జట్టులో పెరీరా (18 బంతుల్లో 30; 3 ఫోర్లు, 1 సిక్స్), అక్షత్ రెడ్డి (30 బంతుల్లో 27; 2 ఫోర్లు) తప్ప మిగతా వారు పెద్దగా రాణించలేకపోయారు. పూణే జట్టులో ఉతప్ప (22 బంతుల్లో 24; 2 ఫోర్లు, 1 సిక్స్) తప్ప ఎవరూ పెద్దగా స్కోర్లు చేయలేక ఓటమి పాలయ్యారు.