Posted: 02/18/2013 06:12 PM IST

సినీ క్రికెట్ లీగ్ లో భాగంగా హైదరాబాద్ ఎల్జీ స్టేడియంలో తెలుగు వారియర్స్, ముంబయి హీరోస్ పై విజయం సాధించి, వరుసగా రెండో విజయాన్ని నమోదు చేసుకుంది. ముంగుగా  బ్యాటింగ్ చేసిన ముంబై 20 ఓవర్లలో 134 పరుగులకు ఆలౌటైంది. వి.బదోలా (43 బంతుల్లో 39; 3 ఫోర్లు) టాప్‌స్కోరర్‌గా నిలవగా, సన్నీ సింగ్ (12 బంతుల్లో 25; 4 ఫోర్లు, 1 సిక్సర్), భేల్‌వాని (21), సచిన్ జోషి (15) రాణించారు. తెలుగు బౌలర్లలో రఘు, నందకిషోర్ చెరో 2 వికెట్లు పడగొట్టగా, తరుణ్, ఆదర్శ్, చరణ్‌లకు ఒక్కో వికెట్ దక్కింది. అనంతరం తెలుగు వారియర్స్ 17.5 ఓవర్లలో 3 వికెట్లు కోల్పోయి 136 పరుగులు చేసి విజేతగా నిలిచింది. చరణ్ 12 బంతుల్లో 19 పరుగులతో నాటౌట్‌గా నిలవగా... ఆదిత్య 18, గిరి 17, విశ్వ 11 పరుగులు చేశారు. ఆదర్శ్ (36 బంతుల్లో 58 నాటౌట్) అర్ధ సెంచరీతో చెలరేగడంతో విజయం సునాయాసంగా దక్కింది.