Posted: 10/15/2012 06:30 PM IST

భారత టెన్నిస్ స్టార్ సానియా మీర్జా హైదరాబాద్‌లో టెన్నిస్ అకాడెమీని స్థాపించనున్నారు. రాష్ట్ర రాజధాని శివారు ప్రాంతంలో నాలుగు ఎకరాల విస్తీర్ణంలో ఈ అకాడెమీని నిర్మించనున్నట్టు తెలిపారు. ఇందులో తొమ్మిది హార్డ్ కోర్టులతో పాటు గ్రాస్, క్లే కోర్టును ఏర్పాటు చేస్తారు.ఈ కోర్టుల్లో కొన్ని వచ్చే మార్చి నుంచి వినియోగంలోకి రానున్నాయి. ఆ తర్వాత అదనంగా మరో తొమ్మిది హార్డ్ కోర్టులు, మూడు క్లే కోర్టులు నిర్మిస్తారు. అదేసమయంలో యువ క్రీడాకారుల శిక్షణకు సహకరించే స్పాన్సర్ల కోసం సానియా తండ్రి ఇమ్రాన్ మీర్జా ప్రయత్నిస్తున్నారు.దీనిపై సానియా మీర్జా స్పందిస్తూ.. తనకు గుర్తింపు ఇచ్చిన టెన్నిస్‌కు సేవ చేయడానికే ఈ చిన్న ప్రయత్నం చేస్తున్నట్టు చెప్పారు. యువ క్రీడాకారులు ఉన్నత స్థాయిలో రాణించేందుకు ఒక వేదికగా అకాడెమీని తీర్చిదిద్దుతానని తెలిపింది.