Posted: 09/06/2012 04:47 PM IST

బ్రిటన్ స్విమ్మర్ మాథ్యూ వాటర్ పురుషుల 50 మీటర్ల ఫ్రీస్టయల్ ఎస్-7 విభాగంలో కాంస్య పతకం సాధించాడు. పతకాన్ని అందుకున్న ఆనందం కంటే తండ్రి కోసం తాను అనుకున్నది సాధించానన్న సంతోషం అతనిలో స్పష్టంగా కనిపించింది. లండన్ పారాలింపిక్స్ ప్రారంభానికి కొద్ది వారాల క్రితమే మాథ్యూ తండ్రి అలాన్ వాకర్ మృతి చెందాడు. మాథ్యూ పారాలింపిక్స్‌లో పాల్గొని పతకం సాధిస్తే చూడాలని అతను ఆశించాడు. కానీ, పారాలింపిక్స్ మొదలుకాక ముందే మృత్యు ఒడిని చేరాడు. అయతే, తండ్రి కలను నియం చేయాలన్న పట్టుదల పెరిగింది. సర్వశక్తులు ఒడ్డి పోరాటం సాగించాడు. చివరికి కాంస్య పతకాన్ని దక్కించుకోగలిగాడు. అవార్డుల ప్రదానం సమయంలో తన తండ్రి ఫొటోను ఓ చేత్తో పట్టుకొని ఇలా తన అభిమానాన్ని చాటుకున్నాడు.  ఉత్తర కొరియా స్విమ్మర్ రమ్ జూ సాంగ్ పురుషుల 50 మీటర్ల ఎస్-6 ఫ్రీస్టయిల్‌లో చివరి స్థానంలో నిలిచినా, ప్రేక్షకుల అభిమానాన్ని సంపాదించుకున్నాడు. ఆరేళ్ల ప్రాయంలోనే ఒక భవన నిర్మాణ సమయంలో జరిగిన ప్రమాదంలో ఒక చేయి, ఒక కాలు కోల్పోయిన 16 ఏళ్ల సాంగ్ లండన్ పారాలిపింక్స్‌కు వైల్డ్‌కార్డ్‌పై ఎంట్రీ సంపాదించాడు. ఎన్నో అవరోధాలను ఎదుర్కొని, ఆత్మవిశ్వాసంతో స్విమ్మర్‌గా ఎదుగుతున్న అతనికి అభిమానులు జేజేలు పలికారు.