Posted: 09/04/2012 09:31 PM IST

లండన్ పారాలింపిక్స్‌లో భారత్ బోణీ కొట్టింది. కర్నాటకకు చెందిన నాగరాజ గౌడ పారాలింపిక్స్‌లో హై జంప్‌లో రజత పతకం సాధించాడు. ఈ 24 ఏళ్ల యువకుడు 1.74 మీటర్ల ఎత్తుకు ఎగిరి హై జంప్ చేశాడు. పారాలింపిక్స్‌లో హై జంప్‌లో భారత్‌కు పతకం సాధించిన తొలి భారతీయుడు నాగరాజ గౌడ. ఈ హై జంప్‌లో మొదటి ప్రయత్నంలోనే 1.74 మీటర్లు ఎగిరి ఫిజీకి చెందిన ఇలీసా డెలీనా సోమవారంనాడు స్వర్ణ పతకం సాధించగా, నాగరాజ గౌడ మాత్రం రెండవ ప్రయత్నంలో ఈ ఎత్తుకు ఎగిరి విజయం సాధించారు. అందుకు ఆయనకు రజత పతకం లభించింది.