Posted: 08/28/2012 08:31 PM IST

ప్రతిష్ఠాకరమైన పద్మ భూషణ్‌ అవార్డుకు భారత క్రికెట్‌ జట్టు మాజీ సారథి రాహుల్‌ ద్రవిడ్‌, పద్మశ్రీ అవార్డుకు ఓపెనర్‌ గౌతమ్‌ గంభీర్‌ పేరును సిఫార్సు చేయాలని భారత క్రికెట్‌ కంట్రో ల్‌ బోర్డు (బిసిసిఐ) నిర్ణయించింది. బిసిసిఐ అధ్యక్షుడు ఎన్‌ శ్రీనివాసన్‌, కార్యదర్శి సంజయ్‌ జగ్దలె ఈ అంశంపై చర్చించి, ప్రభుత్వానికి పేర్లను పంపను న్నారని బోర్డు అధికారి ఒకరు సోమ వారం తెలియజేశారు. ‘ద్రవిడ్‌, గంభీర్‌ పేర్లపై ఇంతకు ముందు చర్చ జరిగింది. అధ్యక్షుడు, కార్యదర్శి ఈ విషయమై తుది నిర్ణయం తీసుకుంటారు. నామినేషన్ల దాఖలుకు ఆఖరు తేది ఆగస్టు 15. పేర్లను పంపడమైంది’ అని ఆయన తెలిపారు. వాస్తవానికి రాజీవ్‌ ఖేల్‌ రత్న అవార్డు కోసం ద్రవిడ్‌ పేరు ఇదివరకే పరిశీలన లో ఉంది.

ద్రవిడ్‌ 24 వేల కు పైగా అంతర్జాతీయ పరుగులు స్కోర్‌ చేశాడు. అతను 134 టెస్ట్‌లలో 13 వేల పైచిలుకు పరుగులు,344 ఒడిఐలలో సుమారు 11 వేల పరు గులు స్కోర్‌ చేశాడు. అతని ఖాతాలో 36 టెస్ట్‌ సెంచరీలు,12 ఒడిఐ సెంచరీలు ఉన్నాయి. ఇక మూడు రకాల క్రికెట్‌లో పరుగుల వరద పారి స్తున్న గౌతమ్‌ గంభీర్‌ పద్మశ్రీ అవా ర్డుకు అర్హుడు. అతను ఇప్పటికే అర్జున అవార్డు గ్రహీత. క్రితం సంవత్స రం ప్రపంచ కప్‌ ఫైనల్‌లో గంభీర్‌ సాధిం చిన 97 పరుగుల స్కోర్‌ అతని అర్హతకు మరింత బలం చేకూరుస్తోంది.