నగరంలో డ్రగ్స్ గ్యాంగ్ - మంత్రి దానం ఫైర్

Posted: 11/28/2013 06:12 PM IST

రాష్ట్ర విభజన పై కేంద్రంలో దూకుడు పెంచింది. అయితే సీమాంద్ర నాయకులు మాత్రం హైదరాబాద్ పై ద్రుష్టి పెట్టారు. హైదరాబాద్ ను కేంద్రపాలిత ప్రాంతం చెయ్యాలని డిమాండ్ చేసిన విషయం తెలిసిందే. అయితే ఇలాంటి సమయంలో హైదరాబాద్ విషయం పై తెలంగాణ ప్రాంతానికి చెందిన రాష్ట్ర కార్మిక శాఖ మంత్రి దానం నాగేందర్ త్రీవంగా స్పందించారు. తాము దద్దమ్మలం కాదని దానం నాగేందర్ ఘాటుగా వ్యాఖ్యానించారు. హైదరాబాద్ ను కేంద్రపాలిత ప్రాంతం చేస్తుంటే చూస్తూ ఊరుకునే దద్దమ్మలం కాదని ఆయన స్పష్టం చేశారు.

యూటీ ప్రతిపాదనను వ్యతిరేకిస్తున్నట్టు చెప్పారు. సీమాంధ్ర నాయకులు కొందరు తమ స్వార్థం కోసం హైదరాబాద్ ను యూటీ చేయాలంటున్నారని ఆరోపించారు. తమ అభిప్రాయాలను పట్టించుకోకుండా కేంద్రం ముందుకు వెళితే తామేం చేయాలో తమకు తెలుసని చెప్పారు.

 హైదరాబాద్ పై ఏది పడితే అది మాట్లాడితే ఊరుకునేది లేదని అంతకుముందు దానం హెచ్చరించారు. యూటీ అంటే అధికారాలన్నీ కేంద్రం చేతిలోకి వెళ్తాయన్నారు. కేంద్రం చేతిలో అధికారం ఉంటే ప్రజాప్రతినిధులుగా తాము ఏమి చేయాలని ప్రశ్నించారు. కీలక అధికారాలు కేంద్రం పరిధిలో ఉంటే తమకు సమ్మతం కాదన్నారు.

 డ్రగ్స్ రాకెట్ గ్యాంగ్

నగరంలోని భారీ డ్రగ్స్ రాకెట్ ముఠా గుట్టు రట్టయింది. 11 కిలోల నిటాపినామిన్ డ్రగ్‌ను పోలీసులు పట్టుకున్నారు. హైదరాబాద్‌లో తయారు చేసి మలేషియాకు తరలిస్తున్న మురళీ, కమ్మ శ్రీను, రాజు, శివ, లక్కీసింగ్ లను పోలీసులు అరెస్టు చేశారు.

వీరి వద్ద నుంచి రూ. 15 లక్షలు, ఒక కారును స్వాధీనం చేసుకున్నారు. హవాలా పద్ధతిలో చెల్లింపులు ఉండేవని పోలీసులు కనుగొన్నారు. చెన్నై దావూద్‌తో వీరికి సంబంధం ఉన్నట్లు పోలీసులు అనుమానిస్తున్నారు. జీడిమెట్లలోని బాలాజీ లాబ్స్‌లో డ్రగ్ తయారు చేస్తున్నట్లు పోలీసులు కనుగొన్నారు.

అదుపులోకి తీసుకున్న నిందితులను పోలీసులు విచారణ జరుపుతున్నారు. డ్రగ్స్‌ను ఎక్కడెక్కడికి సరఫరా చేస్తారా? ఎవరెవరితో సబంధాలు ఉన్నాయన్నదానిపై ఆరా తీస్తున్నారు.