కలెక్టరేట్లను అంగన్ వాడీ కార్యకర్తలు ముట్టడించారు

Posted: 07/10/2013 08:21 PM IST

తమ సమస్యలను పరిష్కరించాలని రాష్ట్ర వ్యాప్తంగా అంగన్ వాడీ కార్యకర్తలు కదం తొక్కారు. ఆయా జిల్లాలలోని కలెక్టరేట్లను అంగన్ వాడీ కార్యకర్తలు ముట్టడించారు. అందులో భాగంగా హైదరాబాద్ కలెక్టర్ కార్యాలయాన్ని ముట్టడించి తమ సమస్యలు పరిష్కరించాలని డిమాండ్ చేశారు. శాంతియుతంగా చేస్తున్న వీరి ఆందోళనను పోలీసులు అడ్డుకుని కార్యకర్తలను అరెస్టు చేశారు. సమస్యలు పరిష్కరించాలని సిఐటియు రాష్ట్ర వ్యాప్తంగా కలెక్టరేట్ ల ముట్టడికి పిలుపునిచ్చిన సంగతి తెలిసిందే. భారీగా తరలివచ్చిన అంగవాడీ కార్యకర్తలు హైదరాబాద్ కలెక్టరేట్ ను ముట్టడించారు. కనీస వేతనాలు, ఉద్యోగ భద్రత కల్పించాలని కార్యకర్తలు డిమాండ్ చేశారు. కొన్ని సంవత్సరాలుగా అంగన్ వాడీలో పనిచేస్తున్నా కనీస వేతనాలివ్వడం లేదని ఆవేదన వ్యక్తం చేశారు. వేతనాలు నాలుగైదు నెలలకోకసారి ఇస్తే తాము ఎలా బ్రతకాలని, ఒకవైపు వస్తువుల ధరల పెరుగుదల, మరో వైపు చాలిచాలని జీతాలతో తీవ్ర ఇబ్బందులు ఎదుర్కొంటున్నామని కార్యకర్తలు తెలిపారు. ప్రభుత్వం వెంటనే స్పందించి తమ సమస్యలను పరిష్కరించాలని డిమాండ్ చేశారు. శాంతి యుతంగా నిరసన తెలుపుతున్న అంగన్ వాడీ కార్యకర్తలను పోలీసులు అరెస్టు చేశారు.