Posted: 03/29/2013 04:42 PM IST

రాష్ట్రం  సమస్యలతో  అల్లాడిపోతుంది. అయిన సర్కార్ మాత్రం పట్టించుకోవటం లేదు. కానీ  పన్నులు  మాత్రం  ముఖ్యమంత్రి పెంచి రాష్ట్ర ప్రజల కష్టాలను కళ్లముందే చూస్తున్నారు. అయితే ముఖ్యమంత్రి కిరణ్ రెడ్డిలో  ఎలాంటి చలనం లేదని  బీజేపి లీడర్ మండిపడుతున్నారు. ముఖ్యమంత్రి కిరణ్‑కుమార్ రెడ్డిపై బీజేపీ రాష్ట్ర అధ్యక్షుడు కిషన్ రెడ్డి తీవ్రస్థాయిలో విరుచుకుపడ్డారు. కేంద్రం ఇచ్చే నిధులు ఖర్చు చేయని రాష్ట్ర ప్రభుత్వానికి పన్నులు వేసే అధికారం లేదని అన్నారు. దేశంలో చాలా రాష్ట్రాలు అభివృద్ధి పథంలో పయనిస్తుంటే ఆంధ్రప్రదేశ్ మాత్రం అంధేరా ప్రదేశ్‑గా మారిందని ఆయన వ్యాఖ్యానించారు. వేసవి ప్రారంభంలోనే గ్రామీణ ప్రాంతాల్లో నీడి ఎద్దడి తీవ్రంగా ఉందని కిషన్ రెడ్డి అన్నారు. రానున్న రెండు నెలల్లో పరిస్థితి ఊహించుకుంటేనే దారుణమన్నారు.  విద్యుత్ పై బిజెపి గ్రామీణ స్థాయినుంచి నిర్వహిస్తున్న ఉద్యమాన్ని మరింత ఉదృతం చేయనున్నట్లు కిషన్ రెడ్డి తెలిపారు. అన్నిరకాల పన్నులు పెంచుతూ కిరణ్ కుమార్ పన్నుల ముఖ్యమంత్రిగా మారారని విమర్శించారు. రాష్ట్ర సమస్యలపై ప్రభుత్వం స్పందించాలని ఆయన డిమాండ్ చేశారు. రాష్ట్రంలో మంచినీరు కన్నా మద్యమే ఏరులై పారుతున్న దుస్థితి నెలకొందని కిషన్ రెడ్డి అన్నారు.