పిల్లలు లైట్.. రిలేషన్ మళ్ళీ టైట్

Posted: 01/10/2015 12:50 PM IST

Jennifer lawrence and chris again dating

మన దగ్గర పిల్లల కోసం తల్లితండ్రులు విడిపోయిన ఘటనలు చాలా ఉన్నాయి. కానీ హాలీవుడ్ లో సీన్ ఇందుకు టోటల్ రివర్స్ లో ఉంటుంది. పిల్లలు ఎటుపోతేనేం.., నచ్చిన వారితో ఉండటమే ముఖ్యం అని పెద్దలు భావిస్తున్నారు. హాలీవుడ్ భామ జెన్నిఫర్ లారెన్స్ మళ్ళీ డేటింగ్ దుకాణం తెరిచింది. మ్యుజిషియన్ క్రిస్ మార్టిన్ తో ప్రేమ స్వరాలు పలికిస్తోంది. కొంచెం ఇంట్రస్టింగ్ గా ఉండే వీరి స్టోరీ చూస్తే, గతేడాది ఆగస్టులో చూపులు కలిసిన శుభవేళ అంటూ వీరిద్దరూ డేటింగ్ మొదలెట్టారు. అప్పటికే క్రిస్ కు ఇద్దరు పిల్లలు ఉన్నారు. వారిలో యాపిల్ వయస్సు పదేళ్లు కాగా, మోసెస్ వయస్సు ఎనమిదేళ్ళు. అయినా సరే తనకు తాను బ్యాచిలర్ అనుకుని కొత్త జత కోసం వెతగ్గా జెన్ని దొరికింది. ఇద్దరూ మంచి డేట్ చూసుకుని డేటింగ్ మొదల పెట్టారు.

అప్పుడప్పుడూ కుటుంబం గుర్తుకు వచ్చి పిల్లల్ని కలిసి, వారితో మార్టిన్ గడిపి వస్తుండేవాడు. ఈ విషయం తెలుసుకున్న జెన్నీ భామ.. నీకు నేను కావాలా, పిల్లలు కావాలా తేల్చుకో అంటూ బంధాన్ని తెంచేసుకుంది. దీనికి క్రిస్ కూడా పెద్దగా బాధపడలేదు. నువ్వు కాకపోతే ఇంకొకరు అన్నట్లుగా లైట్ తీసుకున్నాడు. అయితే ఇద్దరూ ఆవేశంలో ఏదేదో అనుకున్నామని తర్వాత తెలుసుకుని తప్పుకు క్షమాపణలు చెప్పుకున్నారు. ఇంకేముంది పాత జంట మళ్ళీ కలిసింది. గతేడాది చివరి రోజులను ఇద్దరూ కలిసి బాగానే ఎంజాయ్ చేశారని సన్నిహితులు చెప్తున్నారు.

డిసెంబర్ 30న జరిగిన ఓ డిన్నర్ లో ఇద్దరూ కలిసి హాలీవుడ్ ప్రముఖుల కంట పడ్డారట. మీరు విడిపోలేదా.. అని ప్రశ్నిస్తే.. మీకెవరు చెప్పారు అని ఈ జంట ఎదురు ప్రశ్నించటంతో అంతా నోరెళ్ళ బెట్టారట. ప్రస్తుతానికి ప్రశ్నలు వదిలేసి పార్టీ ఎంజాయ్ చేద్దామని అంతా కలిసి మందేసి, చిందేశారు. అలా కొత్త ఏడాదిలో వీరి బంధం కొత్త పుంతలు తొక్కుతోందని హాలీవుడ్ మీడియా చెప్తోంది. మరి పిల్లల సంగతి ఏమిటి అంటే.., ఏముంది అప్పుడప్పుడు వెళ్ళి చూసి వస్తాను, ఇందుకు జెన్నీ కూడా అబ్జెక్షన్ చెప్పదు అని చెప్తున్నాడు. దీన్ని బట్టి మార్టిన్ మగాడే కాని మంచి మొగుడు కాదని అర్థమవుతోంది. లేదంటే పిల్లలను, భార్యను చూసుకోకుండా ఇలా జెన్నిఫర్ తో జాలీగా తిరిగేవాడు కాదు.