ఐరిస్ దెబ్బకు దిమ్మతిరిగిపోయింది. అంతే!

Posted: 01/06/2015 04:00 PM IST

ఈమధ్య భారీ ఫ్యాన్ ఫాలోయింగ్ వున్న సెలబ్రిటీలకు ఆకతాయుల బెడద ఎక్కువగానే పెరిగిపోయింది. బాలీవుడ్ - హాలీవుడ్, బిగ్ - స్మాల్ స్ర్కీన్ అని తేడాలేకుండా ప్రతిఒక్కరికి తిప్పలు తప్పడం లేదు. పబ్లిక్’లో వెళితే చాలు.. ఎప్పుడెప్పుడు కొరికి తినేద్దామా..? అన్నంత కసిగా ఆకతాయిలు వేచి చూస్తుంటారు. గతంలో ఇటువంటి వ్యవహారాలు ఎన్నో చోటు చేసుకోగా.. తాజాగా మరో టీవీ నటికి కూడా ఇటువంటి పరాభావాన్ని చవిచూడాల్సి వచ్చింది.

ఇటీవల టీవీ నటి ఐరిస్ మైటీ కాస్త సేద తీర్చుకోవడానికి పబ్లిక్ ప్లేస్’లోకి రాగా.. అదే సమయంలో ఆమెకి ఓ తుంటరి గ్యాంగ్ తగిలింది. చాలా హాట్ అండ్ సెక్సీ లుక్స్’తో కనిపించిన ఈమెని చూసిన ఆ గ్యాంగ్ కాస్త రెచ్చిపోయింది. అందులో ఒకడు అయితే మరింతగా ఆమెను హింసించడం మొదలుపెట్టాడు. ఆమె ఎక్కడికెళ్తే అక్కడికి వెంటవచ్చేవాడు. ఒకానొకచోట ఐరిస్’కి చిర్రెత్తి.. తనదైన స్టైల్’లో అతడికి డిఫరెంట్’గా ట్రీట్ ఇచ్చింది.

ఐరిస్ వెంటనే వెనక్కు తిరిగి ఆ ఆకతాయి గూబ గుయ్యిమనిపించేవిధంగా ఓ షాట్ ఇచ్చింది. ఆ దెబ్బతో అతగాడు దిమ్మతిరిగి పడిపోయాడు. అంతటితో ఆమె ఆగకుండా వెంటనే పోలీసులకు ఫోన్ చేసి.. అతగాడిని పట్టించింది. చివరగా.. ‘‘ఓ మై గాడ్.. నాకు మార్షల్ ఆర్ట్స్, కిక్ బాక్సింగ్ వచ్చి కాబట్టి.. సరిపోయింది. లేకపోతే నా పరిస్థితి ఏంటో’’..? అంటూ చెప్పుకొచ్చింది. ఏదైతేనేం.. సాహసంగా ఓ తుంటరిని ఈ విధంగా సమాధానం చెప్పండంతో ఈమెని అందరూ మెచ్చుకుంటున్నారు.