మోక్షజ్న డెబ్యూకి ఆటంకం అదేనా?

Posted: 02/03/2017 01:08 PM IST

నందమూరి వారసుడిగా బాలయ్య నుంచి మోక్షజ్న పగ్గాలు ఎప్పుడు అందుకుంటాడా? అన్న డిస్కషన్ శాతకర్ణి షూటింగ్ సమయం నుంచే ప్రారంభమైంది. ఇలా వందో చిత్రం మొదలైందో లేదో బాలయ్య ఆ డెబ్యూ ఎవరి చేతిలో పెట్టబోతున్నాడోనన్న చర్చకు తెరలేపారు. ఒకానోక దశలో శాతకర్ణితోనే మోక్షజ్న ఆరంగ్రేటం ఉంటుందని చెప్పుకున్నా రిలీజ్ తర్వాత ఉత్తదేనని తేలిపోయింది. వేరే ఫ్యామిలీస్ నుంచి వారసులు దూసుకొస్తుంటే.. బాలయ్య మాత్రం ఎందుకు ఆలసత్వం ప్రదర్శిస్తున్నాడంటూ ఒకానోక దశలో అభిమానులు కూడా అసంతృప్తి వ్యక్తం చేశారు.

అయితే ఇంకా చదువుల్లోనే ఉన్నాడని, ఆ టైం వచ్చినప్పుడు మోక్షజ్న తప్పక సినిమాల్లోకి వస్తాడంటూ ఆ మధ్య బాలయ్య స్వయంగా చెప్పుకొచ్చి రూమర్లకు పుల్ స్టాప్ పెట్టేశాడు. ఇదిలా ఉంటే 22 ఏళ్ల ఈ నందమూరి వారసుడికి ఇప్పుడు తండ్రి ఓ బిగ్ టార్గెట్ విధించినట్లు తెలుస్తోంది. నటనలో, డాన్సుల్లో ఇప్పటికే రాటుదేలినప్పటికీ లుక్కు విషయంలోనే కాస్త తేడాకొడుతున్నాడంట. ప్రస్తుతం మోక్షజ్న బరువు కొంచెం ఎక్కువగానే ఉన్నాడు. హీరో కావాలంటే ఫిట్ గా మారాల్సిందేనని బాలయ్య చెప్పటంతో ఈ యేడాది చివరి కల్లా బరువు తగ్గి సిక్య్ పాక్ పెంచేయాలని సూచించాడంట.  ప్రస్తుతం జిమ్ లో కసరత్తు చేసి పనిలో నిమగ్న మయ్యాడని తెలుస్తోంది.

సీనియర్ హీరోలందరూ బాడీ పై దృష్టిసారిస్తుంటే, బాలయ్యకు మాత్రం అలాంటి వాటికి చాలా దూరంగా ఉంటానంటూ ఓపెన్ గానే చెప్పేశాడు. ఇక కొడుకు విషయంలో మాత్రం అది కంపల్సరీ అని చెబుతుండటం విశేషం. అన్నీ కుదిరితే బాలయ్య డ్రీం ప్రాజెక్టు ఆదిత్య 369 సీక్వెల్ ఈ స్టార్ కిడ్ డెబ్యూ సినిమా అయ్యే అవకాశం ఉంది.