మహేష్-మురగదాస్ టైటిల్ ఫిక్స్ చేశారు

Posted: 02/04/2017 12:22 PM IST

ఆరు నెలలుగా అదిగో ఇదిగో అంటూ అరకోర ఫోటోలతో ఊరిస్తున్నాడే తప్ప తన సినిమా విషయంలో ఎలాంటి అప్ డేట్ ఇవ్వకుండా మహేష్ కవ్విస్తున్నాడు. దసరా, దీపావళి, క్రిస్మస్, న్యూ ఇయర్, సంక్రాంతి, రిపబ్లిక్ డే ఇలా ఆయా తేదీల్లో తప్పక రిలీజ్ చేస్తామంటూ చెప్పి మాట తప్పారు మేకర్లు. ఈ నేపథ్యంలో సినిమా రిలీజ్ కూడా మరింత ఆలస్యం అయ్యిందన్న వార్త అభిమానులకు అసంతృప్తిని కలగజేస్తోంది. అంతేకాదు అజిత్ లాంటి స్టార్ హీరోతో పోటీపడటం మొదటికే మోసం వస్తుందని హెచ్చరిస్తున్నారు కూడా. 

ఇదిలా ఉంటే ఈ సినిమాకు టైటిల్ విషయంలో రకరకాల పేర్లు గతంలో వినిపించాయి. వాస్కోడిగామా, సంభవామీ, ఏజెంట్ శివ ఇలా రోజుకో టైటిల్ పై పుకార్లు వచ్చాయి. అయితే అన్నింట్లోకి సంభవామీ అనే ఓ పేరు మాత్రం హైలెట్ అవుతుంది. ఇందుకు కారణం నిర్మాతలు ఇదే టైటిల్ ను ఫిల్మ్ ఛాంబర్ లో రిజిస్టర్ చేయటం. హిందీలో సంభవామీ పేరుతో మురగదాస్ సినిమా రాబోతుందన్న ఒక వార్త లీక్ అయ్యింది.

దీనిపై ఆరాతీసిన మీడియాకు అది నిజమేనని తేలటంతో మహేష్ సినిమా కోసమేనంటూ వార్తలు వస్తున్నాయి. తెలుగు, తమిళ్ తోపాటు హిందీలో కూడా ఈ సినిమాను డబ్ చేసి వదలాలని చూస్తున్న సమయంలో ఈ పేరే కామన్ టైటిల్ కు బావుంటుదని ఫిక్సయ్యారంట. టైటిల్ విషయంలో ఇప్పటికిప్పుడే క్లారిటీ రాకపోయినప్పటికీ, రిలీజ్ కు కూడా సమయం ఉండటంతో మధ్యలో ఎప్పుడైనా దీనిపై ఓ అధికారిక ప్రకటన వచ్చే అవకాశం ఉంది.