ఎన్టీఆర్ కి అస్సలు నచ్చలేదంట

Posted: 10/17/2016 01:18 PM IST

ప్రస్తుతం టాలీవుడ్ లో ఎవరి మూడ్ ఎలా మారిపోతుందో తెలియటం లేదు. ముందు ఓకే అయినా బడా ప్రాజెక్టులు సైతం ఉన్న పళంగా మారిపోతున్నాయి. అనుకున్న కాంబినేషన్ లు కాకుండా, హఠాత్తుగా రాత్రికి రాత్రే మొత్తం ‘కథ’ అంతా మారిపోతుంది. రీసెంట్ గా ఎన్టీఆర్ తదుపరి చిత్ర విషయంలోనూ ఇదే జరిగిన విషయం తెలిసిందే.

అశోక్, ఉసరవెల్లి లాంటి డిజాస్టర్ కథలు అందించినప్పటికీ, టెంపర్ తో తన లైఫ్ ని టర్న్ చేశాడు యాంకర్, రచయిత వక్కంతం వంశీ. అందుకే గ్యారేజ్ తర్వాత ఎట్టి పరిస్థితుల్లో అతనితో చేయాలని డిసైడ్ అయ్యాడు తారక్. గ్యారేజ్ షూటింగ్ మధ్యలో ఉండగానే వంశీ స్క్రిప్ట్ వినిపించడం, అది ఓకే అయిపోవటంతో మరో రైటర్ మెగా ఫోన్ పట్టనున్నాడని అంతా అనుకున్నారు. కానీ, సీన్ రివర్స్ అయ్యింది. వంశీతో సినిమా తూచ్ అంటూ ఎన్టీఆర్ పక్కకు తప్పుకున్నాడు. ఆ వెంటనే ఆ అవకాశం మళ్లీ పూరికే దక్కింది.

ఆపై వంశీ ఆ ప్రస్టేషన్ ను మీడియా సాక్షిగా ప్రదర్శించాడు. కొంత మంది మూలంగా ఇలాంటివి ఎదుర్కోవాల్సి వస్తుందని ఓపెన్ గా ఫైర్ అయ్యాడు. దీంతో సోదరుడు కళ్యాణ్ రామ్ అసలు ఆ ప్రాజెక్టు ఎందుకు మిస్సయ్యిందో ఓ ఇంటర్వ్యూలో చెప్పినట్లు సమాచారం.

వంశీ స్టోరీ లైన్ చెప్పినప్పుడు తాను విన్నానని, ఆపై సినిమాను ప్రొడ్యూస్ చేసేందుకు సిద్ధమైనట్లు చెప్పాడంట. అయితే ఆ తర్వాత చెప్పిన కథ నచ్చకపోవటం మూలంగానే సినిమాను పక్కన పెట్టామని కళ్యాణ్ వివరించాడని తెలుస్తోంది. ఒకవేళ వంశీ కథలో మార్పులతో వస్తే చేస్తారా అన్న ప్రశ్నకు మాత్రం సమాధానం ఇవ్వకపోవటం విశేషం. ఇంకోవైపు పూరినే దీనంతటికి కారణం అని గుసగుసలు వినిపిస్తున్నాయి. ఈ లెక్కన వంశీ డైరక్షన్ ఆశలు సమాధి అయినట్లే అని అనుకోవాలేమో ! చూద్దాం మరేవరైనా అవకాశం ఇవ్వకపోతారా?