మనిద్దరి మధ్యనే గట్టిపోటీ...!

Posted: 06/08/2016 02:01 PM IST

Jr ntr and hrithik roshan movies are releasing overseas same day

ఇప్పటివరకు మన టాలీవుడ్ స్టార్ హీరోల మధ్యనే పోటీ ఉండేది. కానీ, ఇప్పుడు టాలీవుడ్ నుంచేకాకుండా మన హీరోలు ఇతర పరిశ్రమల హీరోలతోనూ పోటీపడాల్సి వస్తోంది. ప్రస్తుతం తమిళ హీరోలతో ఇబ్బంది పడుతున్న కుర్రాళ్లు ఇప్పుడు బాలీవుడ్ హీరోలతోనూ సై అనాల్సి వస్తోంది. అసలు విషయం ఏంటంటే,

ఓవర్సీస్ మార్కెట్ అనేది సినిమా పరిశ్రమకు ఎంతో ఇంపార్టెంట్. అన్ని సినీ పరిశ్రమలు అక్కడ వసూళ్లపైనే ఎక్కువ దృష్టిపెడతాయి. ఇప్పుడు టాలీవుడ్ కూడా ఓవర్సీస్ నే నమ్ముకుని చాలా సినిమాలు హై బడ్జెట్ లో తీస్తున్నాయి. ముఖ్యంగా మన స్టార్ హీరోలంతా అక్కడి అభిమానాన్నే కాదు సొమ్మును క్యాష్ చేసుకోవాలనుకుంటున్నారు. ఇప్పుడు ఈ పోటీకి ఎన్టీఆర్ తో సై అంటున్నాడు బాలీవుడ్ హీరో హృతిక్ రోషన్.
'నాన్నకు ప్రేమతో' సినిమాతో ఓవర్సీస్ లో మంచి మార్కెట్ అందుకున్న జూనియర్ ఎన్టీఆర్ ఇప్పుడు కొరటాల డైరక్షన్ లో తెరకెక్కే జనతాగ్యారేజ్ ని కూడా భారీ స్క్రీన్లపై విడుదల చేయాలనుకుంటున్నాడు. ఈ సినిమాను ఆగస్టు 12న విడుదల చేయడానికి రెడీ అయ్యారు. అయితే ఇప్పుడు బాలీవుడ్ హీరో హృతిక్ కూడా అదే రోజున తన 'మొహొంజో దారో' సినిమాను విడుదల చేయబోతున్నాడు. దీంతో ఓవర్సీస్ లో స్క్రీన్ల కోసం డిమాండ్ ఏర్పడుతోంది. ఇప్పుడు ఈ హీరోల సినిమాల మద్యనే ఎక్కువగా పోటీ జరుగుతోంది. అయితే, బాలీవుడ్ సినిమా అంటేనే ఓవర్సీస్ లో పడి చచ్చే జనం ఇప్పుడు తెలుగు సినిమాలు కూడ అదే రేంజ్ లో రావడం అనేది టాలీవుడ్ లో శుభసూచకం అని చెప్తున్నారు ట్రేడ్ విశ్లేషకులు.

ఎవరు ఎక్కువ స్క్రీన్లను ముందుగా బుక్ చేసుకుంటారో వాళ్లకే కలెక్షన్లు కూడా ఎక్కువ వస్తాయి కాబట్టి ఇటు ఎన్టీఆర్ అటు హృతిక్ లో ఎవరు పోటీలో నెగ్గుతారన్నది ఫిలింనగర్ లో హాట్ టాపిక్ గా మారింది.

- మూర్తి