దేనికైనా నేను రెడీ...!

Posted: 06/08/2016 01:54 PM IST

ఒకప్పుడు తన అందచందాలతో కుర్ర కారుని హీటెక్కించిన అందాల భామ సంఘవి. శ్రీకాంత్ హీరోగా నటించిన 'తాజ్ మహల్' సినిమాతో టాలీవుడ్ లోకి ఎంట్రీ ఇచ్చిన ఈ కన్నడ భామ, తర్వాత సిందూరం, సూర్యవంశం, సమరసింహారెడ్డి, సీతారామరాజు లాంటి సినిమాలతో స్టార్ హీరోయిన్ గా గుర్తింపు తెచ్చుకుంది. తెలుగుతో పాటు తమిళ, కన్నడ భాషల్లో కూడా నటించిన సంఘవి, సౌత్ స్టార్ హీరోలందరితోనూ కలిసి నటించింది. అప్పట్లో తన అందంతో టాలీవుడ్ మొత్తాన్ని తనవైపుకి తిప్పుకుంది.

గత ఆరు సంవత్సరాలుగా సినిమాలకు దూరమైన ఈ హాట్ భామ ఇప్పుడు రీ ఎంట్రీకి రెడీ అవుతోంది. ఈ ఏడాది ఫిబ్రవరి పెళ్లి చేసుకొని ఫ్యామిలీ లైఫ్ లోకి అడుగు పెట్టిన సంఘవి ఇప్పుడు మరోసారి వెండితెర మీద సెకండ్ ఇన్నింగ్స్ స్టార్ట్ చేసేందుకు రెడీ అయిపోతుంది. ఇప్పటికే రెండు తమిళ సినిమాలను అంగీకరించిన సంఘవి, తాజాగా తెలుగు సినిమాల మీద దృష్టి పెట్టింది. ప్రస్తుతం టాలీవుడ్ లో గ్లామరస్ అత్త, యంగ్ మదర్ క్యారెక్టర్స్ కి మంచి డిమాండ్ ఉండటంతో తన వయసుకు తగ్గ పాత్ర కోసం దర్శకనిర్మాతలను సంప్రదిస్తోందట. ఎలాంటి పాత్రలకైనా, ఎలాంటి సినిమాలకైనా, దేనికైనా నేను రెడీ అంటోందంట ఈ హాట్ మాజీ హీరోయిన్. మరి రీ ఎంట్రీలో ఈ మాజీ హీరోయిన్ ఎంత వరకు ఆకట్టుకుంటుందో చూడాలంటున్నారు ఫిలిం నగర్ వాసులు.
 
- మూర్తి