ఎంత పనిచేశావ్ త్రివిక్రమ్....!

Posted: 06/03/2016 11:52 AM IST

నితిన్ హీరోగా , సమంత హీరోయిన్ గా త్రివిక్రమ్ దర్శకత్వంలో క్లాసిక్ సినిమాగా విడుదలయిన చిత్రం అ-ఆ. ఇప్పుడు ఎక్కడ చూసినా ఈసినిమా గురించే టాక్ వినిపిస్తోంది. ఒక పక్క ఈసినిమాని విమర్శకులు సైతం ప్రశంసలతో పొగిడేస్తుంటే, మరో పక్క ఈ సినిమాని పాత సినిమాతో పోల్చుతూ త్రివిక్రమ్ కి ఈ సినిమా సీడి ఒకసారి చూడమని సలహాలు ఇస్తున్నారు. ఇంతకీ ఎందుకు ఇలా ఇస్తున్నారా అని ఆరాతీస్తే, అ-ఆ సినిమా స్టోరీ గతంలో విజయనిర్మల డైరెక్టన్ లో సూపర్ స్టార్ కృష్ణ హీరోగా తీసిన 'మీనా' అనే సినిమా స్టోరీ ఒకటేనట.

ఇప్పుడు ఈ సినిమా స్టోరీని మీనా సినిమాతో పోల్చుతూ ఒక్కో క్యారెక్టర్ ని విడదీసి మరీ చెప్తున్నారు. ఆ పాత్రలో ఇతను నటించాడని, ఈ పాత్రలో ఆమె నటించిందని చెప్తున్నారు. అంతేకాకుండా, 'అ-ఆ' సినిమా ఆడియో ఫంక్షన్ లో ఆర్టిస్ట్ 'హరితేజ'ను త్రివిక్రమ్ నటి 'సూర్యకాంతం'తో ఎందుకు పోల్చాడో అర్ధంకాని ఆడియన్స్ ఈ సినిమా చూసాక మాత్రం ఒక క్లారిటీకి వచ్చారు. గతంలో మీనా సినిమాలో విజయనిర్మల ఇంట్లోంచి పారిపోయేటపుడు సూర్యకాంతాన్ని వెంటపెట్టుకుని వెళ్తుందట. ఇప్పుడు అ-ఆ సినిమాలో కూడ సమంత హరితేజను తీసుకువెళ్తుందని అందుకే డైరెక్టర్ ముందుగానే ఈసినిమా చూసే ఉంటాడని చెప్తున్నారు అందరూ.

ఏది ఏమైనా, త్రివిక్రమ్ ఈ సినిమాతో మంచి సక్సెస్ అందుకున్నాడని, అయినా పాత సినిమాలను మళ్లీ కొత్త హంగులు అద్ది రీమేక్ చేయడం కూడ ఒక కళేనని చెప్తున్నారు సినీ పండితులు.  

- పరిటాల మూర్తి