పవన్ కళ్యాణ్ తో స్టైలిష్ స్టార్ తనయుడు?

Posted: 01/13/2016 03:26 PM IST

పవర్ స్టార్ పవన్ కళ్యాణ్ హీరోగా నటిస్తున్న ప్రతిష్టాత్మక చిత్రం ‘సర్దార్ గబ్బర్ సింగ్’. మోస్ట్ ఎవెయిటింగ్ మూవీగా రూపొందుతున్న ఈ సినిమాలో మరో మెగా లిటిల్ స్టార్ ఎంట్రీ ఇవ్వనున్నాడని సమాచారం. తాజా సమాచారం ప్రకారం... ఈ సినిమాలో స్టైలిష్ స్టార్ అల్లు అర్జున్ తనయుడు అల్లు అయాన్ కనిపించనున్నాడని తెలిసింది.

ఇందులో పవన్ కళ్యాణ్ ఓ చిన్న పిల్లాడిని రక్షించే సన్నివేశం వుందని, ఈ సీన్లో అల్లు అయాన్ ను తీసుకోనున్నారని సమాచారం. ఈ సినిమాలో ఈ సీన్ కీలకం కానుందని, పవర్ యాక్షన్ ఎపిసోడ్ లో ఈ సీన్ రానుందని తెలిసింది. ఒకవేళ అదే నిజమైతే మెగా ఫ్యామిలీ అభిమానులకు పండగే పండగ. త్వరలోనే ఈ సినిమా గురించి అన్ని వివరాలను అధికారికంగా ప్రకటించనున్నారు.

పవన్ సరసన కాజల్ హీరోయిన్ గా నటిస్తుంది. ‘పవర్’ ఫేం బాబీ దర్శకత్వంలో నార్త్ స్టార్ ఎంటర్ టైన్మెంట్స్ ప్రై.లిమిటెడ్ బ్యానర్, పవన్ కళ్యాణ్ క్రియేటివ్ వర్క్స్ బ్యానర్లపై నిర్మాత శరత్ మరార్ నిర్మిస్తున్నారు. రాక్ స్టార్ దేవిశ్రీప్రసాద్ సంగీతం అందిస్తున్నాడు. ఈ చిత్ర ఫస్ట్ లుక్ టీజర్ ను జనవరి 14న విడుదల చేయబోతున్నట్లుగా చిత్ర యూనిట్ అధికారికంగా ప్రకటించింది.

భారీ అంచనాలతో రూపొందుతున్న ఈ చిత్రంలో హాట్ బ్యూటీ లక్ష్మీ రాయ్ ఓ కీలక పాత్రలో నటించడమే కాకుండా పవన్ తో రెండు మాస్ మసాలా పాటల్లో చిందులేసింది. హై వోల్టేజ్ యాక్షన్ ఎంటర్ టైనర్ గా రూపొందుతున్న ఈ సినిమాను వేసవి సెలవుల్లో విడుదల చేయడానికి సన్నాహాలు చేస్తున్నారు.