రెండో సినిమాకు అఖిల్ బ్రేక్?

Posted: 11/26/2015 03:04 PM IST

అక్కినేని నాగార్జున తనయుడు అఖిల్ హీరోగా ఎంట్రీ ఇస్తే, ఆ సినిమా ఎలా వుండాలంటే.. రికార్డులు బ్రేక్ అవ్వాల్సిందే, కలెక్షన్ల వర్షం కురవాల్సిందే అని ‘అఖిల్’ సినిమాకు ముందు అక్కినేని ఫ్యాన్స్ ఎన్నో ఊహించేసుకున్నారు. కానీ ‘అఖిల్’ సినిమా విడుదలయ్యాక రికార్డులు, కలెక్షన్లు కాదు కదా.. అసలు సినిమాకు పెట్టిన బడ్జెట్ కూడా సరిగ్గా రాలేదని, అందుకే చిత్ర దర్శకుడు, హీరో నిఖిల్ సైతం తన రెమ్యునరేషన్ లో కొంత తిరిగి ఇచ్చేసినట్లుగా వార్తలొస్తున్నాయి.

‘అఖిల్’ సినిమా అట్టర్ ఫ్లాప్ అయిన తర్వాత రెండవ సినిమా కోసం అఖిల్ మంచి కథను ఎంపిక చేసుకునే పనిలో పడ్డాడు కావచ్చని అందరూ అనుకుంటున్నారు. కానీ తాజా సమాచారం ప్రకారం అసలు అఖిల్ తన రెండవ సినిమా కోసం ఇప్పట్లో కథలు వినాలనే వుద్దేశ్యంలో లేనట్లుగా తెలిసింది.

దర్శకులు, రచయితలు కథలను వినిపించడానికి అఖిల్ ను సంప్రదిస్తే ఓ నెల తర్వాత కలుద్దాం అని చెబుతున్నాడట అఖిల్. ఒక నెల విరామం తీసుకొని, ఆ తర్వాత కొత్త కథలను వినేందుకు అఖిల్ నిర్ణయం తీసుకున్నట్లుగా తెలుస్తోంది. ఈసారి సరైన కథతో హిట్టు కొట్టాలని అఖిల్ తెగ ఆరాటపడుతున్నట్లుగా తెలిసింది.

మొత్తానికి ‘అఖిల్’ సినిమా అటు అక్కినేని అభిమానులకు, ఇటు సినిమా కొన్న బయ్యర్స్ కు, చిత్ర నిర్మాతలకు భారీ నష్టాన్నే మిగిల్చింది. మరి ఈసారి అఖిల్ ఎలాంటి కథ, దర్శకుడుతో వస్తాడో అనే విషయం వచ్చే ఏడాది జనవరిలోనే తెలియనుంది.