హాట్ బ్యూటీ ధన్సికకు మణి ఆఫర్!

Posted: 11/25/2015 01:21 PM IST

తమిళ యువ హీరోయిన్ ధన్సికకు ఈమధ్య వరుసగా భారీ చిత్రాల్లో నటించే అవకాశాలు వస్తున్నాయి. ప్రస్తుతం చిన్న చిన్న సినిమాల్లో నటిస్తున్న ధన్సికకు ఇటీవలే తమిళ సూపర్ స్టార్ రజనీకాంత్ నటిస్తున్న ‘కబలి’ చిత్రంలో నటించే అవకాశం దక్కించుకుంది. ఇందులో రజనీకాంత్ కూతురు పాత్రలో ధన్సిక కనిపించనుంది. ప్రస్తుతం ఈ చిత్ర షూటింగ్ శరవేగంగా జరుగుతోంది.

ఇదే కాకుండా తాజాగా తమిళ అగ్ర దర్శకుడి సినిమాలో హీరోయిన్ గా నటించే ఆఫర్ ను దక్కించుకున్నట్లుగా తెలిసింది. ప్రముఖ దర్శకుడు మణిరత్నం దర్శకత్వంలో ఓ భారీ మల్టీస్టారర్ చిత్రం తెరకెక్కనున్న విషయం తెలిసిందే. ఇందులో కార్తీ, నాని, నిత్యామీనన్ హీరోహీరోయిన్లుగా నటించనున్నారు. మరో హీరోయిన్ గా ధన్సికను ఎంపిక చేసినట్లుగా సమాచారం.

రజనీకాంత్ ‘కబలి’ సినిమాలో నటిస్తుండటం వల్లనే తనకు మణిరత్నం సినిమాలో నటించే అవకాశం లభించిందని ధన్సిక తెగ సంబరపడిపోతోందట. మరి ‘కబలి’ సినిమా హిట్టయ్యితే కోలీవుడ్ ధన్సికకు ఎలాంటి అవకాశాలు వస్తాయో చూడాలి.