మహేష్ హీరోగా థని ఒరువన్ రీమేక్?

Posted: 09/07/2015 05:34 PM IST

కేవలం తెలుగు చిత్రాలే తప్ప ఎలాంటి రీమేక్ చిత్రాలలో నటించనని టాలీవుడ్ ప్రిన్స్ మహేష్ బాబు ఇప్పటికే పలు సంధర్భాలలో స్పష్టం చేసారు. అయినా కూడా మహేష్ బాబు ఓ రీమేక్ సినిమాలో నటించబోతున్నాడంటూ వార్తలొస్తూనే వున్నాయి.

మొన్నటి వరకు తమిళ ‘కత్తి’ రీమేక్ లో మహేష్ నటించబోతున్నట్లుగా వార్తలొచ్చాయి. ఇపుడేమో తమిళ ‘తని ఒరువన్’ సినిమాలో నటించబోతున్నట్లుగా వార్తలొస్తున్నాయి. తమిళంలో జయంరవి, నయనతార హీరోహీరోయిన్లుగా ప్రముఖ నటుడు అరవింద్ స్వామి విలన్ పాత్రలో నటించిన తాజా చిత్రం ‘తని ఒరువన్’.

ఈ చిత్రం ఇటీవలే విడుదలై మంచి పాజిటివ్ టాక్ ను సొంతం చేసుకుంది. అయితే ఈ చిత్రాన్ని తాజాగా మహేష్ బాబు చూసారట. ఈ సినిమా మహేష్ కు నచ్చడంతో, ఈ సినిమా రీమేక్ పై మహేష్ ఆసక్తి కనబరుస్తున్నట్లుగా మహేష్ సన్నిహితులు చెబుతున్నారు.

మరి మహేష్ తెలుగు సినిమాలే చేస్తానన్న తన మాటను నిలబెట్టుకుంటాడో లేక ఈ చిత్ర రీమేక్ లో నటిస్తాడో చూడాలి. ఈ రీమేక్ కు సంబంధించిన వివరాలు త్వరలోనే తెలియనున్నాయి. మహేష్ త్వరలోనే ‘బ్రహ్మోత్సవం’ సినిమా షూటింగ్ లో పాల్గొననున్నాడు.