నాని సినిమా టైటిల్ ‘జై బాలయ్య’

Posted: 07/16/2015 10:29 AM IST

‘ఎవడే సుబ్రమణ్యం’ తర్వాత నాని హీరోగా 14 రీల్స్ ఎంటర్టైన్మెంట్ బ్యానర్ పై ఓ చిత్రం తెరకెక్కుతున్న విషయం తెలిసిందే. ప్రముఖ నిర్మాతలు రామ్ ఆచంట – గోపి ఆచంట – అనిల్ సుంకర సంయుక్తంగా నిర్మిస్తున్న ఈ చిత్రానికి హను రాఘవపూడి దర్శకత్వం వహిస్తున్నాడు. ఇటీవలే ఈ చిత్ర ముహూర్త కార్యక్రమాలు జరుపుకున్నాయి.

ఈ చిత్ర షూటింగ్ ప్రస్తుతం అనంతపురంలోని ఉరవకొండ పరిసర ప్రాంతాల్లో జరుగుతోంది. అయితే తాజా సమాచారం ప్రకారం ఈ సినిమాలో నాని అనంతపూర్ నందమూరి బాలకృష్ణ ఫ్యాన్స్ అసోసియేషన్ ప్రెసిడెంట్ పాత్రలో కనిపించనున్నాడని తెలిసింది. అందువల్ల ఈ చిత్రానికి ‘జై బాలయ్య’ అనే టైటిల్ ను చిత్ర యూనిట్ పరిశీలిస్తున్నట్లుగా తెలిసింది.

జులై 6న ప్రారంభమైన ఈ చిత్ర షెడ్యూల్ శరవేగంగా కొనసాగుతుంది. విశాల్ చంద్రశేఖర్ సంగీతం అందిస్తున్నారు. త్వరలోనే ఈ చిత్రానికి సంబంధించిన అన్ని వివరాలు అధికారికంగా ప్రకటించనున్నారు. అలాగే నాని ప్రస్తుతం ‘భలే భలే మగాడివోయ్’ సినిమాలో నటిస్తున్నాడు. మారుతి దర్శకత్వంలో తెరకెక్కుతున్న ఈ చిత్రంలో నాని సరసన లావణ్య త్రిపాఠీ హీరోయిన్ గా నటిస్తుంది. ఈ చిత్ర షూటింగ్ దాదాపు చివరి దశకు చేరుకుంది. త్వరలోనే ప్రేక్షకుల ముందుకు రానుంది.