త్వరలోనే బాహుబలి ఇంటర్నేషనల్ వర్షెన్ విడుదల

Posted: 07/16/2015 10:02 AM IST

ప్రభాస్ హీరోగా ఎస్.ఎస్.రాజమౌళి దర్శకత్వంలో తెరకెక్కిన ‘బాహుబలి’ చిత్రం ప్రపంచ వ్యాప్తంగా విడుదలై భారీ కలెక్షన్లతో రచ్చ రచ్చ చేస్తున్న విషయం తెలిసిందే. ‘బాహుబలి’ విడుదలైన ఒక్కరోజులోనే రికార్డు స్థాయిలో భారీ కలెక్షన్లు రాబట్టి, కొత్త రికార్డులను క్రియేట్ చేస్తుంది. తెలుగు, తమిళం, మలయాళం, హిందీ భాషలలో విడుదలైన ఈ చిత్రం దుమ్మురేపుతోంది.

ఓవర్సీస్ పరంగా కలెక్షన్ల మోత మోగిస్తుంది. హాలీవుడ్ రేంజులో ‘బాహుబలి’ సినిమా వుండటంతో ఇంక క్రేజ్ బాగా పెరిగిపోయింది. అయితే ఈ చిత్రాన్ని ఇంటర్నేషనల్ వర్షన్ లో కూడా విడుదల చేయడానికి చిత్ర యూనిట్ సన్నాహాలు చేస్తున్నారు. అంటే తెలుగులోనే కాకుండా మిగిలిన ఇతర భాషల సబ్ టైటిల్స్ తో ఈ చిత్రాన్ని విడుదల చేయడానికి సన్నాహాలు చేస్తున్నారు.

కానీ ఈసారి మరింత పర్ఫెక్ట్ ఎడిటింగ్, సౌండింగ్ ను సెట్ చేసి ఇంటర్నేషనల్ వర్షెన్ ను సిద్ధం చేయనున్నారు. దీనిని మరో మూడు, నాలుగు నెలల్లో విడుదల చేయనున్నారని తెలిసింది. కానీ విడుదల తేదిని హాలీవుడ్ సినిమాల షెడ్యూల్ ను బట్టి నిర్ణయించనున్నారు. మరి ఈ ‘బాహుబలి’ అక్కడ ఎలాంటి మోత మోగించనుందో చూడాలి.