కావాలంటే ఉంచుకుంటారు... లేదా తీసేస్తారు: ఖుష్బూ

Posted: 04/16/2015 01:23 PM IST

సినీ నటి ఖుష్బూ ఎప్పుడూ ఏదో ఒక వివాదంతో నిత్యం వార్తల్లో నిలుస్తూనే వుంటుందనే విషయం అందరికి తెలిసిందే. తాజాగా మరోసారి ఆవిడ వివాదాస్పద విషయాల్లో కామెంట్ చేసి, హాట్ టాపిక్ గా మారింది.

తమిళనాడులో ద్రవిడ కళగం ‘తాళి తొలగింపు’ కార్యక్రమాన్ని చేపట్టిన విషయం తెలిసిందే. అయితే ఈ కార్యక్రమాన్ని శివ సేన, హిందూ సంఘాలు అడ్డుకొని, భారతీయ సంస్కృతి సాంప్రదాయాలను నాశనం చేస్తున్నారంటూ ఆగ్రహం వ్యక్తం చేస్తున్నారు.

తాళి తొలగింపు విషయంపై ఖుష్బూ మాత్రం తనదైన శైలిలో స్పందించింది. తాళిబొట్టు అనేది వ్యక్తిగతమని, అది ఉంచుకోవాలో లేక తీసేయాలా అనేది పూర్తిగా మహిళల వ్యక్తిగతమని ఆమె కామెంట్లు చేసారు.

దీంతో ఖుష్బూ మరోసారి హాట్ టాపిక్ గా మారింది. అంతే శివసేన, హిందూ సంఘాలకు మద్ధతు పలకకుండా... అవసరం లేకుంటే తాళిబొట్టు తీసేయవచ్చు అనే విధంగా పరోక్షంగా ఖుష్బూ చేసిన కామెంట్లపై శివసేన, హిందూ సంఘాల సభ్యులు ఆగ్రహం వ్యక్తం చేస్తున్నారు. మరి ఈ వివాదం ఇంకెంత దూరం వెళుతుందో చూడాలి.