అక్కినేని కుర్రోడికి ప్రభాస్ టైటిలా?

Posted: 04/13/2015 01:26 PM IST

అక్కినేని అఖిల్ హీరోగా ప్రముఖ దర్శకుడు వి.వి.వినాయక్ దర్శకత్వంలో ఓ చిత్రం తెరకెక్కుతున్న విషయం తెలిసిందే. అన్నపూర్ణ స్టూడియోస్ సమర్పణలో శ్రేష్ఠ్ మీడియా పతాకంపై హీరో నితిన్ ఈ చిత్రాన్ని నిర్మిస్తున్నారు. థమన్, అనూప్ సంగీతం అందిస్తున్నారు.

ఇటీవలే విడుదలైన ఫస్ట్ లుక్ స్టిల్స్, టీజర్ కు మంచి స్పందన వస్తోంది. కమర్షియల్ యాక్షన్ ఎంటర్ టైనర్ గా రూపొందుతున్న ఈ చిత్రానికి ఓ పవర్ టైటిల్ పెట్టాలని చిత్ర యూనిట్ భావిస్తున్నారట. అందుకే ప్రభాస్ కోసం అనుకున్న ఓ టైటిల్ ను అఖిల్ కోసం ఖరారు చేసినట్లుగా తెలిసింది.

ప్రభాస్ కోసం ‘మిసైల్’ టైటిల్ బాగుంటుందని గతకొద్ది కాలంగా ప్రచారం జరుగుతున్న విషయం తెలిసిందే. అయితే ఇపుడు ఇదే టైటిల్ ను అఖిల్ కోసం రిజిస్టర్ చేయించినట్లుగా సమాచారం. త్వరలోనే అధికారికంగా ప్రకటించనున్నారు. ఇందులో అఖిల్ సరసన సయేశా సైగల్ హీరోయిన్ గా నటిస్తుంది.

భారీ అంచనాలతో రూపొందుతున్న ఈ చిత్రానికి కోన వెంకట్ – గోపి మోహన్ లు స్క్రీన్ ప్లే, మాటలు సమకూరుస్తున్నారు. ఇప్పటికే విడుదలై ఫస్ట్ లుక్ టీజర్ కు భారీ స్పందన వస్తోంది. షూటింగ్ త్వరగా పూర్తి చేసుకొని, దసరా కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు.