సునీల్, దిల్ రాజుల సినిమా టైటిల్ ఇదేనా?

Posted: 04/13/2015 04:05 PM IST

శ్రీ వెంకటేశ్వర క్రియేషన్స్ బ్యానర్లో ప్రముఖ నిర్మాత దిల్ రాజు నటుడు సునీల్ తో ఓ చిత్రం నిర్మిస్తున్న విషయం తెలిసిందే. ‘జోష్’ ఫేం దర్శకుడు వాసు వర్మ దర్శకత్వంలో తెరకెక్కుతున్న ఈ చిత్ర షూటింగ్ ప్రస్తుతం స్విట్జర్లాండ్ లో జరుగుతున్నట్లుగా తెలిసింది.

అయితే ఈ చిత్రానికి తాజాగా ఓ టైటిల్ ను ఖరారు చేసినట్లుగా తెలిసింది. తాజా సమాచారం ప్రకారం ఈ చిత్రానికి ‘కృష్టాష్టమి’ అనే టైటిల్ ను ఖరారు చేసినట్లుగా తెలిసింది. త్వరలోనే అన్ని వివరాలు అధికారికంగా ప్రకటించనున్నారు. ఇందులో సునీల్ సరసన డింపుల్ చొపాడే హీరోయిన్ గా నటిస్తుంది.

మరి ఈ సినిమా సునీల్ కు ఎలాంటి విజయాన్ని అందించనుందో త్వరలోనే తెలియనుంది. ప్రస్తుతం మణిరత్నం దర్శకత్వంలో తెరకెక్కిన ‘ఓకే బంగారం’ చిత్రాన్ని దిల్ రాజు తెలుగులో విడుదల చేస్తున్నారు. ఈ చిత్రం త్వరలోనే ప్రేక్షకుల ముందుకు రానుంది.