మహేష్ శ్రీమంతుడు టీజర్ విడుదల తేది

Posted: 04/07/2015 01:50 PM IST

‘ఆగడు’ వంటి అట్టర్ ఫ్లాప్ తర్వాత మహేష్ హీరోగా కొరటాల శివ దర్శకత్వంలో ఓ చిత్రం తెరకెక్కుతున్న విషయం తెలిసిందే. ‘మిర్చి’ వంటి బ్లాక్ బస్టర్ హిట్ చిత్రం తర్వాత కొరటాల శివ దర్శకత్వంలో రూపొందుతున్న ఈ చిత్రంపై భారీ అంచనాలే నెలకొన్నాయి. ఈ చిత్రానికి ‘శ్రీమంతుడు’ అనే టైటిల్ ను పరిశీలిస్తున్నారు.

ప్రస్తుతం ఈ చిత్ర షూటింగ్ శరవేగంగా జరుగుతోంది. ఇందులో మహేష్ సరసన శృతిహాసన్ హీరోయిన్ గా నటిస్తుంది. టైటిల్ కూడా నిర్ణయించని ఈ చిత్ర ఫస్ట్ లుక్ పోస్టర్లు మరియు టీజర్ విడుదలకు సమయం దగ్గరపడింది. సూపర్ స్టార్ కృష్ణ పుట్టినరోజున ఈ చిత్ర ఫస్ట్ లుక్ విడుదల కానుంది.

సూపర్ స్టార్ కృష్ణ పుట్టినరోజు మే 31న ఈ చిత్ర ఫస్ట్ లుక్ పోస్టర్లు, ఫోటోలు మరియు టీజర్ విడుదల చేయనున్నట్లుగా తెలిసింది. ఇందులో జగపతిబాబు, సుకన్య, రాజేంద్రప్రసాద్, కమెడియన్ ఆలీ, వెన్నెల కిషోర్, తులసి, సితార తదితరులు కీలక పాత్రల్లో నటిస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.