చందూ దర్శకత్వంలో చైతూ, సమంత రొమాన్స్

Posted: 04/08/2015 04:14 PM IST

అక్కినేని నాగచైతన్య, సమంతలు కలిసి మరోసారి రొమాన్స్ చేయనున్నారు. వీరిద్దరి కాంబినేషన్లో ఇప్పటికే మూడు చిత్రాలొచ్చాయి. ‘ఏమాయ చేసావే’ చిత్రంతో మొదలైన వీరి జంట... ఆ తర్వాత ‘ఆటోనగర్ సూర్య’, ‘మనం’ చిత్రాల్లో కూడా కనిపించి కనువిందు చేసింది. అలాంటి ఈ హిట్ పెయిర్ మరోసారి ప్రేక్షకులను అలరించడానికి సిద్ధమవుతోంది.

నాగచైతన్య, సమంత హీరోహీరోయిన్లుగా తాజాగా ఓ చిత్రం రూపొందనుంది. ‘కార్తీకేయ’ చిత్రంతో దర్శకుడిగా మంచి మార్కులు సంపాదించుకున్న దర్శకుడు చందు మొండేటి దర్శకత్వంలో ఈ చిత్రం తెరకెక్కనున్నట్లుగా తెలిసింది. ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు జరుగుతున్నాయి. ఈ ప్రాజెక్టు మే నెలలో సెట్స్ పైకి వెళ్లనున్నట్లుగా తెలిసింది.

ప్రస్తుతం నాగచైతన్య హీరోగా నటించిన ‘దోచేయ్’ చిత్రం విడుదలకు సిద్ధమవుతోంది. ఇప్పటికే విడుదలైన పాటలకు మంచి రెస్పాన్స్ వస్తోంది. సుధీర్ వర్మ దర్శకత్వంలో తెరకెక్కుతున్న ఈ చిత్రాన్ని బి.వి.ఎస్.ఎన్.ప్రసాద్ నిర్మిస్తున్నారు. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.