ఇద్దరి మద్య ఇరుక్కుపోయాడు

Posted: 11/10/2014 02:41 PM IST

Krish next movie with sai dharam tej or varun tej

కన్ఫూజన్ లో కొందరు ఎక్కువ చేస్తే.., ఇంకొందరు ఏం చేయాలో తెలియకుండా ఉంటారు. ఇందులో డైరెక్టర్ క్రిష్ రెండవ టైప్ అనుకుంటా. మెగా ఫ్యామిలి యంగ్ హీరోలతో తన తదుపరి సినిమా అని చెప్పాడు. అయితే ఏ హీరోతో చేస్తాడు అనేది క్లారిటి ఇవ్వలేదని తెలుస్తోంది. ఇలా అనటానికి ఓ రీజన్ ఉంది. అదేమంటే కొద్దికాలంగా ముంబైలో ఉంటున్న క్రిష్, పుట్టినరోజు సందర్బంగా తెలుగు మీడియాతో మాట్లాడాడు. ప్రశ్నల్లో భాగంగా, తెలుగులో సినిమాలు చేయరా అని ప్రశ్నించగా.., అదేంలేదు త్వరలోనే చేస్తాను అని సమాధానం ఇచ్చారు.

ఎవరితో సినిామ చేస్తారు అని ప్రశ్నిస్తే.., ఓ మీడియా సంస్థతో నాగబాబు తనయుడు వరుణ్ తేజ్ తో సినిమా చేస్తున్నా అని చెప్పాడు. మరో మీడియా సంస్థతో మాత్రం మెగా ఫ్యామిలి అల్లుడు సాయి ధరమ్ తేజ్ తో సినిమా చేస్తాను అని చెప్పాడు. ఇలా ఇద్దరి పేర్లు ఎందుకు చెప్పాడు అనేది అర్థం కావటం లేదు. ఆయన కన్ఫ్యూజ్ అయి చెప్పాడా లేక మీడియా వారు పేర్లు తికమకపడి అలా అర్ధం చేసుకున్నారా అనేది మాత్రం తెలియటం లేదు. అటు ఇద్దరు తేజులతో సినిమా చేస్తున్నాడా అనేది కూడా సస్పెన్స్ గానే ఉంది.

‘‘గమ్యం, వేదం, కృష్ణం వందే జగద్గురుం’’ లాంటి మంచి సినిమాలు తీసిన క్రిష్ హిట్ మాత్రం కొట్టలేకపోయాడు. ప్రస్తుతం తెలుగు ‘ఠాగూర్’ ను రీమేక్ చేసే పనిపై ముంబైలో ఉన్నాడు. ‘ఠాగూర్’ సినిమాలో దాదాపు 60శాతం మార్పులు చేసి ‘గబ్బర్’ తీస్తున్నట్లు చెప్పాడు. ఈ ప్రాజెక్టులో తన మార్కు స్పష్టంగా కన్పిస్తుందని చెప్పాడు. సంజయ్ బన్సాలీ నిర్మించిన ఈ సినిమాలో అక్షయ్ కుమార్ హీరోగా నటిస్తున్నాడు. వచ్చే ఏడాది ఏప్రిల్ లో ఈ మూవీ ప్రేక్షకుల ముందుకు రానుంది.

కార్తిక్