సినిమాకోసం స్వయంగా రంగంలోకి దిగాడు

Posted: 11/11/2014 03:49 PM IST

Chiranjeevi to promote na bangaru talli movie

మెగాస్టార్ చిరంజీవి గురించి వార్త వచ్చిందంటే అది ఖచ్చితంగా ఆయన 150 సినిమా గురించి అని అంతా అనుకోవటం సహజం. అయితే ఈ వార్త మాత్రం ఆయన 150వ సినిమా గురించి కాదు. మంచి కధ, కారణంతో తెరకెక్కి, ప్రమోషన్ ఇబ్బందులు ఎదుర్కుంటున్న చిట్టితల్లి గురించి చిరు స్పందించారు. సినిమా బ్రతికేందుకు తాను ఊపిరిపోస్తానని చెప్పి ముందకు కదిలారు. నేషనల్ అవార్డు గెలుచుకున్న తెలుగు సినిమా ‘ నా బంగారు తల్లి’ సొంత భాషలో ప్రమోషన్ విషయంలో ఇబ్బందులు పడుతోంది.

విడుదలకు సిద్దంగా ఉన్నా.., ఆడియన్స్ లో మూవీ గురించి కనీసం టాక్ రాకపోవటంతో బంగారు తల్లి బెంగ పెట్టకుందట. ఇది తెలిసి చిరు, సినిమాను తాను ప్రమోట్ చేసేందుకు ఓకే చెప్పారని తెలుస్తోంది. దీని వల్ల సినిమాకు తగిని ప్రచారం లభించటంతో పాటు, డిస్ర్టిబ్యూటర్లు సినిమా తీసుకునేందుకు ముందుకు వస్తారని అనుకుంటున్నారు. చిరు ప్రచారంతో ‘నా బంగారు తల్లి’కి కష్టాలు తీరినట్లే అని చెప్పవచ్చు.

2013లో తెరకెక్కిన ఈ సినిమా ఓ యధార్ధ ఘటన ఆధారంగా నిర్మించటం జరిగింది. రాజేష్ తౌచ్చిర్విర్ డైరెక్ట్ చేసిన మూవీలో సిద్ధిఖి, అంజలి పాటిల్, రత్న శేఖర్, తదితరులు నటించారు. నేషనల్ ఫిలింఫేర్ అవార్డుల్లో ఈ సినిమాకు మూడు విభాగాల్లో అవార్డులు వచ్చాయి. త్వరలోనే విడుదల అయ్యేందుకు సిద్ధం అవుతోన్న బంగారుతల్లికి ఆల్ ది బెస్ట్.

కార్తిక్