సిద్దూతో సీక్రెట్ గా పని కానిచ్చింది

Posted: 04/10/2014 04:33 PM IST

టాలీవుడ్ సినీ జనాలకు తెలిసినంత వరకు డీప్ లవర్స్ గా చెలామణి అవుతున్న సమంతా - సిద్దార్థ ల ప్రేమ వ్యవహారం చాటు మాటుగా సాగుతున్నా ఇప్పటి వరకు వారిద్దరిలో ఎవరూ దీనిపై క్లారిటీ ఇవ్వలేదు. కానీ సినీ జనాలకు తెలిసినంత వరకు వీరిద్దరు పీకల్లోతు ప్రేమలో విహరిస్తున్నారని, వీరిద్దరు పెళ్లి కూడా చేసుకోబోతున్నారని, అందులో భాగంగా ఓ అడుగు ముందుకు కూడా వేశారని అంటున్నారు.

దీనికి బలమైన కారణాన్ని కూడా సాక్ష్యంగా చూపెడుతున్నారు. ఇన్నాళ్ళ నుండి సమంతా వేళ్ళకు ఎలాంటి ఉంగరాలు లేవు. కానీ ఈ మధ్య కాలంలో ఆమె వేలికి కనిపిస్తున్న వజ్రపు ఉంగరాన్ని చూసి ఆమెకు సీక్రెట్ గా ఎంగేజ్ మెంట్ అయిపోయిందని, ఈ ఉంగరం ఖచ్చితంగా ఎంగేజ్ మెంట్ రింగే అని సినీ జనాలు, మీడియా అనుకంటున్నారు.

గతంలో సమంతా తాను రెండు మూడు సంవత్సరాల వరకు పెళ్ళి చేసుకునే ఆలోచన లేదని, ప్రస్తుతం కమీట్ అయ్యిన ప్రాజెక్టులు పూర్తి చేసిన తరువాత ఆలోచిస్తానని చెప్పింది. ప్రస్తుతం ఈమె చేతిలో ఉన్న సినిమాలు, కమీట్ అయ్యిన సినిమాలు పూర్తి కావడానికి కనీసం రెండేళ్ళయినా పడుతుంది.

అప్పటి వరకు పరిస్థితులు మారినా మారవచ్చని భావించిన సిద్దార్థ్ ఈమె దగ్గరి నుండి భరోసా కోసం సీక్రెట్ గా ఎంగేజ్ మెంటు చేసుకొని ఉంటారని అనుకుంటున్నారు. మరి ఈ ఎంగేజ్ మెంట్ వార్తల పై ఎవరో ఒకరు నోరు విప్పితే కానీ క్లారిటీ రాదు. అప్పటి వరకు మీకు ఎలా తోస్తే అలా అనుకోండి.