నా ఒంటికి జనరల్ వాటర్ కాదు... మినరల్ వాటరే..

Posted: 04/14/2014 04:36 PM IST

వెండి తెర పై ఒకటి రెండు సినిమాల్లో హీరోయిన్ గా నటించగానే స్టార్ హీరోయిన్స్ లాగా తమకు తాము ఫీలయ్యే భామలు ఇండస్ట్రీలో ఉన్నారు. అలాంటి వారు ఇండస్ట్రీలో ఎక్కువ రోజులు ఎక్కువ రోజలు ఉండకపోయినా ఉన్నన్ని రోజులు మాత్రం గొంతెమ్మ కోర్కెలు కోరుతూ నిర్మాతలకు చుక్కలు చూపిస్తారు.

బాలీవుడ్ కి చెందిన బ్యూటి ఎరికా ఫెర్నాండేజ్ హీరో ఆది సరసన ‘గాలి పటం ’ సినిమాలో నటిస్తుంది. ఇటీవల ఈ సినిమా షూటింగ్ నిమిత్తం హైదరాబాద్ కి వచ్చిన ఎరికాకు స్నానం చేయడానికి మినరల్ వాటర్ కావాలని చెప్పడమే కాకుండా, హైదరాబాద్ నీళ్లతో స్నానం చేస్తే ఒళ్ళంతా దద్దుర్లు వస్తున్నాయని, అదీ కాకుండా ముఖం పై మచ్చలు పడుతున్నాయని, జట్టు కూడా రాలుతుందని గొగ్గోలు పెడితే చేసేది ఏమీ లేక నిర్మాతలు సకల సౌకర్యాలు సమకూరుస్తున్నారట.

కానీ టాలీవుడ్ కి చెందిన వారు మాత్రం ఆమె పై విమర్శల వర్షం కురిపిస్తున్నారు. ఎంతో మంది స్టార్ హీరోయిన్స్ హైదరాబాద్ కి వచ్చారు. వారందరికి ఏం కానిది ఈ అమ్మడుకే అవుతుందా ? కొత్త బ్యూటీ పెట్టే డిమాండ్లకు నిర్మాతలు తలలు పట్టుకుంటున్నారట. చూద్దాం ఎన్ని రోజులు సాగుతాయో ఎరికా ఆటలు.