రచయితకు హ్యాండ్ ఇచ్చిన ఎన్టీఆర్

Posted: 12/31/2013 03:53 PM IST

టాలీవుడ్ యంగ్ టైగర్ ఎన్టీఆర్ గత కొంత కాలంగా సరైన హిట్లు లేక సమమతం అవుతున్న విషయం తెలిసిందే. ఇన్ని రోజులు హిట్ సినిమా దర్శకుల్ని నమ్మి నిండా మునిగిన ఈయన సినిమాల ఎంపిక విషయంలో ఆచితూచి అడుగులు వేస్తున్నాడు.

ఎప్పుడు తాను నమ్ముకున్న కర్షియల్ సినిమాలు చేయడానికే ఇష్టపడే ఎన్టీఆర్ కథల ఎంపికలో చాలా జాగ్రత్తలు తీసుకుంటాడు. అతి జాగ్రత్తే అతని కొంపు ముంచుతున్నాయి. ప్రస్తుతం సంతోష్ శ్రీనివాస్ దర్శకత్వంలో ‘రభస’ చిత్రం చేస్తున్నాడు. ఈ చిత్రం షూటింగు ప్రారంభంలోనే రచయిత అయిన వక్కంతం వంశీకి దర్శకుడిగా ఛాన్సిస్తూ ఓ సినిమా చేస్తానని మాటిచ్చాడు.

దీంతో సినిమా జనాలు అంతా ఎన్టీఆర్ ది ఎంత పెద్ద మనసో... స్టార్ హీరో అయి ఉండి ఓ రచయితకు అవకాశం ఇవ్వడం అంటే సామాన్యమైన విషయం కాదు. కానీ ఇఫ్పుడు వక్కంతం వంశీ ప్రాజెక్టును క్యాన్సిల్ చేసుకున్నాడని సినీ వర్గాల సమాచారం.

ఇన్ని రోజులు గంపెడాశలతో ఎన్టీఆర్ సినిమా కథ మీదనే కూర్చున్న వంశీకి ఇప్పుడు ఏం చేయాలో పాలుపోవడం లేదట. వ‌రుస ఫ్లాపుల నేప‌థ్యంలో రిస్క్ ఏమాత్రం చేయ‌కూడ‌ద‌నే ఉద్దేశ్యంతోనే ఎన్టీఆర్ ఈ ప్రాజెక్టును అటకెక్కించాడని అంటున్నారు. ఎన్టీఆర్ తన సేఫ్ జోన్ కోసం ఆలోచించినా.. ఇన్ని రోజులు వంశీకి ఆశ పెట్టి ఇప్పుడు హ్యాండ్ ఇచ్చాడని అంటున్నారు.