Posted: 08/23/2012 09:00 PM IST

ప్రముఖ కొరియోగ్రాఫర్ గా పేరు తెచ్చుకున్న ప్రభుదేవా ఈ మధ్య కాలంలో బాలీవుడ్ డైరెక్టర్ గా మారి తన సత్తా చాటుతున్నాడు. రీసెంట్ గా అతడు దర్శకత్వం వహించిన రౌడీ రాథోడ్ సినిమా బాక్సాఫీసు వద్ద కలెక్షన్ల వర్షం కురించిపించింది.  ఆ మధ్యన నయనతార లవ్ ఫెయిల్యూర్ తో అందరి నోళ్ళలో నానిన ఇప్పుడు ఇతను బాలీవుడ్  జనాల నోట్లో నానుతున్నాడు.. మరి ఇతని గురించి ఎందుకంతగా మాట్లాడుతున్నారంటే... ఇతను ఓ హీరో హీరోయిన్ మధ్య ఉన్న ఫ్రెండ్ షిప్ ని చెడగొట్టాడట. ఆ స్నేహితులు ఎవరో కాదు. కండల వీరుడు సల్మాన్ ఖాన్ - హీరోయిన్ సోనాక్షి సిన్హా. వీరిద్దర గత కొంత కాలం నుండి మంచి స్నేహితలుగా ఉంటున్న విషయం బాలీవుడ్ జనాలకు తెలుసు. అంత సన్నిహితులైన వారిద్దరిమధ్యా ప్రభుదేవా పెట్టాడట మంట. ప్రభుదేవా దర్శకత్వం వహిస్తున్న"ఓ మై గాడ్" చిత్రంలో సోనాక్షితో ఐటెంసాంగ్‌కు విపరీతమైన స్టెప్పులు వేయించడంతో ఆ స్టెప్పులు చూసిన సల్మాన్‌కు మతిపోయి సోనాక్షిపై కోపం వచ్చిందట. మరి మనోడికి కోపం వస్తే ఎలాంటాడో మనందరికీ తెలిసిందే. సల్మాన్ సోనాక్షిని కనీసం కన్నెత్తి కూడా చూడటం లేదట. మరి ప్రభుదేవా పెట్టిన ఈ మంట ఎప్పుడు తగ్గుతుందోనని బాలీవుడ్ జనాలు చెవులు కొరుక్కుంటున్నారు.