Posted: 08/23/2012 09:22 PM IST

ప్రస్తుతం టాలీవుడ్ లో మల్టీ స్టారర్ చిత్రాలకు సంబంధిచిన వార్తలు నిత్యం వెలువడుతున్నాయి.. ఇప్పటికే వెంకీ-మహేష్ కాంబినేషన్లో ఓ భారీ సినిమా షూటింగు జరుపుకుంటుంది. త్వరలో అక్కినేని కుటుంబం మొత్తం కలిసి ఓ సినిమా చేయబోతున్నారనే వార్తలు వచ్చాయి. తాజాగా టాలీవుడ్ లో మహేష్ బాబు - పవన్ మరో మల్టీ స్టారర్ చిత్రానికి సన్నాహాలు జరుగుతున్నాయిని ఫిలిం నగర్ వార్తలు. ఇద్దరూ మంచి స్నేహితులు కావడంతో కలిసి చేయడానికి ఒప్పుకునే అవకాశాలే ఎక్కువ ఉన్నాయని అంటున్నారు. గతంలో మహేష్ బాబు జల్సా సినిమాకు వాయిస్ ఓవర్ ఇచ్చిన సంగతి తెలిసిందే.

ఈ వార్తలకు తోడు నిర్మాత అల్లు అరవింద్ తనయుడు అల్లు శిరీష్ చాలా రోజు క్రితం చేసిన ఓ ట్వీట్ కూడా...మహేష్-పవన్ కాంబినేషన్ సినిమా వస్తుందనే వార్తకు బలం చేకూరుస్తోంది. స్క్రిప్టు డిమాండ్ చేస్తే పవన్ కళ్యాణ్‌తో కలిసి నటించడానకి తనకు అభ్యంతరం లేదని మహేష్ చెప్పాడని అల్లు శిరీష్ ట్వీట్ వెనక ఆంతర్యం. మరి ఈ వార్త ఎప్పుడు నిజం అవుతుందో చూడాలి.