Posted: 06/22/2012 04:41 PM IST

ప్రకాశ్ రాజ్ చిత్ర పరిశ్రమలో ఎంత టాలెంట్ ఉన్న నటుడో అందరికీ తెలుసు. అతను నటుడే కాక మంచి నిర్మాత కూడా. కానీ ఇతడు పక్కా మనీ మైండెట్ అని సినీ జనాలు అంటుంటారు. ఇతడు పారితోషికం విషయంలో కేవలం తన స్వార్థం కోసమే ఆలోచిస్తాడు కానీ, నిర్మాత కష్ట సుఖాలను ఎప్పుడూ పట్టించుకోడని నిర్మాలు అంటున్నారు. ఈ మధ్యనే బాలీవుడ్ లో కూడా అడుగు పెట్టిన ఇతడు అక్కడ కూడా తన నటనతో మంచి పేరు తెచ్చుకున్నాడు. కానీ అతని బుద్ధి మాత్రం పోనిచ్చుకోలేదు. ఈ మధ్యనే బాలీవుడ్ లో ఓ సినిమాకి కమిట్ అయ్యాడు. సినిమా షూటింగ్ కొంత అయిన తరువాత తన పారితోషికాన్ని పెంచాలని నిర్మాతను అడిగితే... అతను సరేమిరా అనడంతో ఆ సినిమా నుండి అర్థారంత రంగా తప్పుకున్నాడని వార్త. ఇప్పుడు ఆ సినిమాకి పరేష్ రావల్ ని పెట్టుకొని సినిమా షూటింగ్ చేస్తున్నట్లు సమాచారం.

అయితే గతంలో ప్రకాష్ ఇలాంటి వేషాలు వేస్తేనే టాలీవుడ్ నుండి కొన్ని రోజులు బహిష్కరించారు. ఇప్పుడు బాలీవుడ్ కి వెళ్లినా అతను కానీ, అతని మైండ్ కానీ మారలేదని, ఇలా అయితే బాలీవుడ్ వాళ్ళు కూడా బయటకు గెంటేస్తారని అనుకుంటున్నారు.