Posted: 06/22/2012 04:44 PM IST

నందమూరి నట సింహం బాలక్రిష్ణ త్వరలో ఓ మైలు రాయిని అందుకో బోతున్నాడు. అదేంటంటే వంద చిత్రాలు పూర్తి చేసిన నటుల జాబితాలో చేరబోతున్నాడు. ప్రస్తుతం బాలక్రిష్ణ నటిస్తున్న ‘‘శ్రీమన్నారాయణ’’ తన 97 వ చిత్రం. దీని తరువాత గతంలో బాలక్రిష్ణ నటించిన ‘‘ఆదిత్య 369’’ చిత్రానికి సీక్వెల్ గా ‘‘ఆదిత్య 999’’ సినిమాని  సింగీతం శ్రీనివాస రావు డైరెక్ట్ చేయబోతున్నాడు. తన 99వ సినిమాని 2013 సంవత్సరం ప్రారంభంలో ప్రారంభం అవుతుందని సమాచారం. తదుపతి తన వందో ఆ సంవత్సరం చివరిలో ప్రారంభోత్సవం జరుపుకోనున్నట్లు సమాచారం. అయితే బాలక్రిష్ణ వందో సినిమా ని ఎవరు డైరెక్ట్ చేయబొతున్నారనే వార్త ఇప్పుడు టాలీవుడ్ లో హాట్ టాపిక్ అయింది. ఇప్పటి నుండే దీని పై చర్చలు ప్రారంభించారు. బాలక్రిష్ణ అయితే పౌరాణిక సినిమా చేయాలనే పట్టుదలతో ఉన్నాడు. కెరీర్ లో ఓ మైలురాయిగా సినిమా నిలవాలంటే...భక్తిరస చిత్రం అయితేనే బాగుంటుందని బాలక్రిష్ణ ఆలోచన అని ఆయన సన్నిహిత వర్గాలు అంటున్నాయి. మరి వందో సినిమాకి దర్శకుడు ఎవరు ? గతంలో బాలక్రిష్ణకి హిట్ సినిమా అందించిన రాఘదేంద్ర రావు లేక బాపు లాంటి దర్శకులు దర్శకత్వం వహిస్తారా లేక ? యంగ్ అండ్ డైనమిక్ డైరెక్టర్లు ఈ లిస్టులోకి వస్తారా అనేది చూడాలి.

మొత్తానికి బాలక్రిష్ణ సెంచరీని 2014 ఎన్నికల లోపు పూర్తి చేసి తరువాత రాజకీయాలలో అడుగుపెట్టాలని భావిస్తున్నాడు. అందుకే తొందరగా సినిమాలు చేయాలని తొందర పడుతున్నట్లు కూడా సమాచారం.