Posted: 12/24/2012 03:53 PM IST

మెగా పవర్ స్టార్ రామ్ చరణ్... ఎప్పటికప్పుడు, తన సినిమాలతో, ఫంక్షన్లలో తన మాటలతో, తండ్రి కి తగ్గ తనయుడు అని అనిపించుకుంటూ ఉంటాడు, ఈ యువ హీరో... సినిమా పరిశ్రమలో అడుగుపెట్టింది, కొంతకాలం క్రితమే అయినా, ఇటు తెలుగు లో స్టార్డం ని సంపాదించుకోవడమే కాక, హిందీ లో కూడా, 'జంజీర్' వంటి చిత్రం రీమేక్ చేస్తూ, అందులో హీరో గా నటిస్తూ, హిందీ ప్రేక్షకులకి కూడా చేరువయ్యే ప్రయత్నం చేస్తున్నాడు, చెర్రీ... త్వరలో, సంక్రాంతి బరిలో 'నాయక్' గా మన ముందుకు రాబోతున్నాడు.

తన మొదటి చిత్రం, 'చిరుత' తో నే, కమర్షియల్ హిట్ కొట్టిన చరణ్, 'మగదీరుడి' గా అన్ని వర్గాల ప్రేక్షకులని ఆకట్టుకున్నాడు... 'ఆరెంజ్j' లో విన్నూత్న తరహా పాత్రలో, లవర్ బాయ్ గా మెప్పించే ప్రయత్నం చేసినా, ఆశించినంత ఫలితం ఈ చిత్రం ఇవ్వలేకపోయింది... అయితేనేం, 'రచ్చ' తో ఈ లోటుని భర్తీ చీసేసాడు, చెర్రీ... మాస్ హీరో గా ప్రేక్షకులలో ఈ చిత్రం ద్వారా మంచి గుర్తింపునే సంపాదించుకున్నాడు. ఇప్పుడు మళ్ళి, వి. వి. వినాయక్ వంటి, కమర్షియల్ హిట్లు అందించడం లో దిట్టగా పేరు ఉన్న దర్శకుడిని ఎంచుకుని, తోలి సారిగా ద్విపాత్రాభినయం తో 'నాయక్' గా మన ముందుకు రాబోతున్నాడు.

'నాయక్' గా చరణ్, ఏ వర్గం ప్రేక్షకులని ఆకట్టుకోబోతున్నాడు? చరణ్ పోషించిన రెండు పాత్రల తీరు ఎలా ఉండబోతోంది? అసలు ఈ సినిమా 'మాస్' కోసమా, 'క్లాస్' ప్రేక్షకుల కోసమా? ఇటువంటి ప్రశ్నలు ప్రస్తుతం ఫిల్మ్ నగర్ లో హల్ చల్ చేస్తున్నాయి. అయితే, ఈ చిత్రం ఆడియో, ట్రయిలర్స్ మాత్రం 'నాయక్' అటు క్లాస్ ని ఇటు మాస్ ని ఆకట్టుకునే విధంగా ఉంటుంది అనే విషయాన్ని స్పష్టం చేస్తోంది... ఈ విభజన పక్కన పెడితే, 'నాయక్' పూర్తి వినోదాన్ని పంచె చిత్రంగా ఈ సంక్రాంతి సినిమాల బరిలో, వినోదాత్మకంగా ఉండబోతోంది అని, చిత్ర యూనిట్ నమ్మకం వ్యక్తం చేస్తోంది...