Posted: 12/24/2012 04:02 PM IST

కొన్ని సంవత్సరాల క్రితం, 'అష్టా చమ్మ' విడుదల అయినప్పుడు, ఈ చిత్ర హీరోయిన్ స్వాతి, ఈ చిత్ర కధాంశం తో పాటు, హీరోలు నాని, అవసరాల శ్రీనివాస్ కూడా ప్రేక్షకుల మన్ననలు అందుకున్నారు... శ్రీనివాస్ హాస్యాన్ని పండించే మార్గాన్ని ఎంచుకున్నాడు, నాని మాత్రం, ఒకొక్క మెట్టు ఎక్కుతూ, అవకాశాలని ఆలోచించి ఎంచుకుంటూ, చిన్న హీరో గా ప్రయాణం మొదలు పెట్టి, సక్సెస్ ఫుల్ హీరో గా, స్టార్ హీరో గా, ఇలా ప్రతీ అడుగు ముందుకు వేస్తూనే ఉన్నాడు...మూస ధోరణిలో సినిమాలు చెయ్యకుండా, ప్రతీ సినిమాకి, అటు కధనం దగ్గరినుండి ఇటు తన పాత్ర వరకు, వైవిధ్యం చూబిస్తూ, ప్రేక్షకులకు నచ్చే విధంగా సినిమాలు చెయ్యడంలో ముందు వరుసలో నిలుస్తున్నాడు.

ఈ తెలివయిన హీరో, చాలా జాగ్రత్తగా సినిమాలు, పాత్రలు ఎంచుకుంటూ, ఎటువంటి ఇమేజ్ చక్రంలో కూరుకుపోకుండా, జాగ్రత్త పడుతూ వస్తున్నాడు. అదృష్ట వశాత్తు, ఈ హీరో చేసిన సినిమాలు అన్ని దాదాపుగా విజయం సాధించినవె... 'అలా మొదలయ్యింది', 'పిల్ల జమిందార్', 'ఈగ', ఈ మధ్యనే విడుదల అయిన 'ఎటో వెళ్ళిపోయింది మనసు' ఇదే కోవలోకి చెందుతాయి... ఇప్పుడు, కృష్ణ వంశి వంటి మరికొంతమంది స్టార్ దర్శకులతో సినిమాలు చేస్తున్నాడు, నాని... అంటే కాకుండా, ప్రతిష్టాత్మకమైన హిందీ చిత్రాల నిర్మాణ సంస్థ, యష్ రాజ్ ఫిల్మ్స్, తెలుగు - తమిళం లో రూపొందిస్తున్న 'బ్యాండ్ బాజా బారాత్' రీమేక్ లో, తెలుగు ఇంకా తమిళం లో కూడా హీరోగా నాని నే ఖరారు చేసారు.

ఇంతే కాక, గౌతమ్ మీనన్ దర్శకత్వంలో ఇంకో చిత్రం చేసేందుకు అంగీకరించాడట నాని...ఏది ఏమైనా, ఈ మధ్య కాలంలో, ఎటువంటి సినిమా కుటుంబం నించి రాకుండా, పరిశ్రమలో ఎవరి అండా లేకుండా, ఇంతటి గట్టి పోటీ మధ్య స్వంతంగా పైకొచ్చిన కధానాయకుడు, నాని.