Posted: 08/23/2012 04:34 PM IST

తెలంగాణ రాష్ట్ర సమితి   అధినేత  కేసిఆర్  మేనల్లుడు  ఇప్పుడు చిక్కుల్లో పడినట్లు తెలుస్తోంది.  గతంలో  అంటెండర్ ను కొట్టి  తన మొరటు వైఖరి ఏమిటో రాష్ట్ర ప్రజలకు చూపించారు. ఇప్పుడు అదే తొందరపాటుతో .. చిక్కుల్లో పడినట్లు మీడియా వర్గాలు అంటున్నాయి . తెలంగాణ రాష్ట్ర సమితి సీనియర్ నాయకుడు, సిద్దిపేట శాసనసభ్యుడు టి.హరీష్ రావు మంచి వాగ్దాటి కలిగిన నాయకుడు. ఆయనకు భాషపై పట్టు కూడా ఉంది. కాని ఆయన ఒక్కోసారి తొందరపాటుకు లోనై విమర్శలకు గురి అవుతున్నారు. విద్యుత్ ఆందోళన సందర్భంగా ఒక సీనియర్ ఐపిఎస్ అధికారిని ఉద్దేశించి చేసిన అనుచిత వ్యాఖ్యలు ఆయనను ఇబ్బందులకు గురి చేసేలా ఉన్నాయి. రవీంద్ర ను ఉద్దేశించి యూజ్ లెస్ ఫెలో అని , మరికొన్ని అభ్యంతరకర పదాలు వాడారని పోలీసు ఉద్యోగుల సంఘం విమర్శించింది. దీనిపై ఆయన క్షమాపణ చెప్పాలని పోలీసు సంఘం అధ్యక్షుడు చలపతిరావు డిమాండ్ చేశారు. ఇరవైనాలుగు గంటలలోగా స్పందించకపోతే తాము తీవ్రంగా వ్యవహరించవలసి వస్తుందని కూడా హెచ్చరించారు. అక్కడికి హరీష్ రావు పట్ల పోలీసులు చాలా జాగ్రత్తగా వ్యవహరించినట్లే లెక్క. లేకుంటే కేసు పెట్టి ఇబ్బంది పెట్టేవారే.హరీష్ రావు తెలివైన నాయకుడు, సమర్ధుడు కూడా. నిరంతరం ప్రజలలో ఉండే మనిషి. కాని కొంచెం సంయమనంగా లేకపోతే ఎప్పుడైనా ఆయన ఇరకాటంలో పడవచ్చు. పోలీసు ఉద్యోగుల సంఘం చేసిన ఆరోపణలపై హరీష్ రావు వివరణ ఇస్తే మంచిది. ఆయన స్టీఫెన్ పట్ల అనుచితంగా మాట్లాడకుండా ఉండి ఉంటే మంచిదే. ఒక వేళ మాట్లాడి ఉంటే మాత్రం దానిని సర్దుబాటు చేసుకోవడం మంచిదేమో!